ЖЕЗДІ ТҰРҒЫНДАРЫ ТАЗАЛЫҚ ШАРАСЫНА ҚАТЫСТЫ

Өңірімзде «Таза Қазақстан» жалпыұлттық экологиялық акциясы жалғасып жатыр.Бұл жолы Ұлытау ауданына қарасты Жезді кентінің тұрғындары тазалық шарасына бір кісідей атсалысты.Іс-шара барысында тарихи орындар мен мәдени-сауықтыру нысандарының аумақтары қардан тазартылып, көшелер мен қоғамдық орындар қоқыстан аршылды. Тазалық жұмыстарына мекеме қызметкерлері мен тұрғындар қатысты.Жауаптылардың айтуынша, басты мақсат – елді мекеннің тазалығын сақтау ғана емес, сонымен қатар тазалық мәдениетін қалыптастырып, оны жастардың бойына сіңіру.Сондай-ақ Жезді кентінің әкімдігі тұрғындардың демалуына қолайлы әрі таза орта қалыптастыру үшін мұндай тазалық шаралары жүйелі ұйымдастырылып тұратынын атап өтті.

ГҮЛІМ МАРАТҚЫЗЫ «ҰЛЫТАУ»ТЕЛЕАРНАСЫ