Облыс әкімінің аралауы

Облыс әкімі ат басын бұрған бірінші нысан Тәуелсіздік-15/1 көшесінде салынып  жатқан 56 пәтерлік 4 қабатты тұрғын үй. Бүгінгі күні нысанда  3 бағыт бойынша жұмыс атқарылып жатыр. 4-ші қабаттың төбесі жабылуда сондай-ақ, ішкі сылақ пен сыртын қаптау жұмыстары да жүргізілуде. Тұрғын үй келісім бойынша  30-шы қазанда  аяқталуы тиіс дейді құрылыс бөлімінің басшысы. 

Облыс әкімінің барған екінші нысаны- Ұлытау облысы білім басқармасының Сатпаев қаласы білім беру бөлімінің «Ақбота» балабақшасы. Негізгі қаржыландыру көзі - «Қазақмыс корпорациясы» жауапкершілігі шектеулі серіктестігінің қайырымдылық қаражаты есебінен.  320 балаға арналған бөбекжайдың  қайта жөндеу жұмыстары биылғы жылдың мамыр айында басталған болатын, жоспар бойынша  қыркүйек айында  аяқталуы тиіс болатын. 

Әкім аралауы әрі қарай Сәтпаев даңғылында орналасқан 147 балаға арналған  «Айгөлек» балабақшасында жалғасты. Аталған жобаның жөндеу жұмыстары келісім бойынша 17-ші қыркүйекке дейін. Ал, 1 қыркүйекте балабақша қолданысқа берілуі керек. Алайда,жұмыс қарқыны тым  баяу. 

2012 жылы кеншілердің құрметіне арнайы ашылған «Кенші даңқы» монументтің кейінгі жылдары күтімі нашарлаған. Биыл «Қазақмыс» басшылығы 5-ші мамырдан бастап жөндеу жұмыстарын қайта  қолға алды. Жөндеу жұмыстарын  қыркүйек айының соңында аяқтау жоспарланған. Бірақ, жұмыстың жүру қарқыны тым баяу, белгіленген мерзімге дейін аяқталмасы анық.  

Радик ХУДАЙКУЛОВ 

Қазіргі уақытта біз Кеншілер алаңында жұмыс істеп жатырмыз. 2025 жылға дейін бірінші кезең-ескерткіш пен алаңның ашылуы және көгалдандыру, автотұрақ. Екінші кезеңде біз ойын алаңын, орындықты, жарықтандыруды орнату жұмыстарын жүргізетін боламыз. 60-қа жуық адам жұмылдырылды, 10-ға жуық техника жұмыс істейді. Бірінші кезең 25 жылдың қыркүйек айының соңына дейін аяқталады деп жоспарлануда.

Берік Әбдіғалиұлы жұмыстардың сапалы болуымен қатар уақытында аяқталуын қадағалауда ұстауды қала билігіне міндеттеді. 

АЛМА СӘЛІМЖАНҚЫЗЫ, ДУМАН ОРАЗОВ 

«ҰЛЫТАУ» ТЕЛЕАРНАСЫ