Арулар – асыл жандар

Жаңадан құрылған Ұлытау облысының орталығы мәртебесіне ие болған Жезқазғанның 70 жылдық тарихында бел талдырып, маңдай терін төккен әже-апаларымыздың тарам-тарам жолдары жатыр. «Дастархан» мейрамханасында жайылған мерекелік дастарханға – мысты шаһардың дамуына түрлі салада үлес қосып жүрген белсенді қыз-келіншектер мен ақ жаулықты әжелер, көп балалы аналар арнайы шақырылған.

Қала әкімі - Қазақстан Республикасы Президентінің 2023 жылғы 25 желтоқсандағы Жарлығы бойынша жезқазғандық бірнеше алтын құрсақты анаға – алтын және күміс алқаларын табыс етті. Сонымен қатар Құрмет грамоталары мен алғыс хаттары да өз иелерін тапты. 

Мерекелік кеште Аналар жайлы ән шырқалды, өлең оқылды. Жұлдызды қонағы ретінде атақты «Жігіттер» квартетінің әншісі Айдар Байжанов өнер көрсетті. Кешке келген нәзік жандылардың ешқайсысы сый-сыяпатсыз қалмады...

Мұқағали Сейтқазы, Мейіржан Мейрамұлы, «Ұлытау» телеарнасы