ХАЛЫҚ КЕҢЕСІ МІНДЕТ – АЙҚЫН, ЖОСПАР – АУҚЫМДЫ

Елімізде Президент Қасым-Жомарт Тоқаевтың бастамасымен қолға алынған ауқымды саяси реформалар жалғасуда. Соның бірі: Жаңа Конституция негізінде құрылған - Қазақстан Халық Кеңесі. Бұл – бұрын соңды баламасы болмаған инновациялық институт. Аталған кеңеске – Ұлытау облысынан үш өкіл өтті.

Әділетті Қазақстанның айшықты ұстанымын саралайтын Халық кеңесі құрылымның жөні де, жолы да өзгеше. Конституциялық мәртебеге ие бірегей институт құрамында 126 мүше бар. Кеңес мүшесі – Қазақстанның Еңбек ері, Ұлытау облысы мен Сәтбаев қаласының құрметті азаматы, кенші Тұрсынбек Макишев – аталған кеңестің Астанада өткен алғашқы сессиясына арнайы қатысып келді...

Иә, қазір Қазақстан өзгерістер кезеңін бастан өткеруде. Қоғамның барлық саласы түбегейлі реформаларды жүзеге асыруда. Бұл ретте - Халық Кеңесі қоғамдық бақылау саласын жүйелеп, оны ретке келтіруге де елеулі үлес қоспақ. Айта кетейік, Халық кеңесінің мүшесі Тұрсынбек Макишевпен болған сұхбаттың толық нұсқасын жуырда арнамыздағы «Серпін» бағдарламасынан көре аласыздар.