«КӨКМАЙСАДАҒЫ» ҰЛТТЫҚ СПОРТТЫҚ ОЙЫНДАР

Республикалық деңгейде өтетін «Көкмайса» этномәдени фестиваліне 16 күн қалды! Аталған фестиваль аясында - қазақ халқының бай мәдени мұрасы және көшпелі өркениет құндылығымен қатар ұлттық спорт түрлері де төрге озбақ...

Фестиваль шеңберіндегі спорттық іс шараларға – Ұлытау облысының дене шынықтыру және спорт басқармасы ұйытқы болады. Негізгі мақсат: жаһандану заманымен қайта жаңғырған дала төсіндегі дәстүрлі ойындарды насихаттау мен ұлттық спорт шеберлеріне қолда көрсету.

Спорттық ойындарға қатысушылар алдын ала тіркеуден өту қажет. Салаға жауапты мамандардың айтуынша – кейінгі жылдары өңірде ұлттық спорт түрлері кеңінен қанат жайып, дамудың даңғыл жолына түскен...

Айта кетейік, «Көкмайса» этномәдени фестивалі 27 ші маусымда Жаңаарқа ауданына қарасты Ералиев ауылындағы Толағай тауының баурайында өтеді.