ЫНТЫМАҚ АРЕНАСЫ: ҰЛТТЫҚ СПОРТ ПЕН РУХАНИ КЕЛІСІМ АЛАҢЫ

Қоғамдағы тұрақтылық пен татулық - ел дамуының маңызды негіздерінің бірі. Ұлытау облысында осы құндылықтарды дәріптеуге бағытталған «Ынтымақ аренасы» клубы жұмыс істейді. Алаңның басты мақсаты - түрлі конфессия өкілдері арасындағы диалогты дамытып, өзара түсіністікті нығайту.

Үш жылдан бері жұмыс істеп келе жатқан клуб бүгінде өңірдегі жеті діни бірлестіктің басын қосып отыр. Бұл - әртүрлі діни көзқарастағы азаматтардың ашық пікір алмасып, ортақ бастамаларды жүзеге асыратын алаңы. Мұнда қоғамдағы өзекті мәселелер талқыланып, бірлік пен келісімді сақтаудың маңызына ерекше назар аударылады.

«Перевод:Біз әртүрлі конфессия өкілдері болғанымызбен, бір елдің азаматтарымыз. Сондықтан өзара сыйластық пен түсіністік негізінде бейбіт өмір сүруге толық мүмкіндік бар. Клуб жұмысы арқылы адамдардың бір-біріне құрметпен қарап, ортақ құндылықтар төңірегінде біріге алатынын көрсетуді мақсат етеміз. Қазақстанның зайырлы саясаты да түрлі дін өкілдерінің татулықта өмір сүруіне жағдай жасап отыр»

— Дмитрий Полтаренко, Ұлытау облысы діни бірлестіктер клубының модераторы

Бұл жолы клуб мүшелері бейресми жағдайда бас қосты. Мәдени-танымдық бағдарлама аясында қатысушылар атпен серуендеп, ұлттық ат спортының қыр-сырымен танысты. Сондай-ақ садақ ату сайысы бойынша мергендіктерін де сынап көрді.

Ұйымдастырушылар мұндай кездесулердің маңызы жыл сайын артып келе жатқанын айтады. Өйткені ашық диалог пен өзара құрмет қоғамдағы бірлік пен татулықты бекемдей түседі.