ДЗЮДОДАН РЕСПУБЛИКАЛЫҚ ТУРНИР

Ulytautv 30-май, 09:55 0 ЖАҢАЛЫҚТАР / ҰЛЫТАУ ОБЛЫСЫ / ЖЕЗҚАЗҒАН ҚАЛАСЫ

Турнир 2 күнге созылды.Еліміздің 10 ға жуық облысы мен қалаларынан келген 300-ге жуық спортшы боз кілемде бақ сынасты.14 салмақ дәрежесінде жеңімпаздар анықталды.

Жандос ҚАЙСАРОВ бас төреші

Жылдан жылға деңгейі өсіп,алдағы жарыстарда үлкен жарыстарға айналдырамыз деген ниеттеміз. Бұл жарысымыз жылда болады және келесі жылы бұдан жақсырақ өткіземіз деген ниеттеміз.

Бұл турнир Батырлан Сариновтың жарқын бейнесін еске алып,жас спортшыларға үлгі болуды көздейді. Бірнеше жыл бұрын жасөспірімдер арасында басталған жарыс,бүгінде ауқымы кеңейіп келеді.

Орал ЖҰМАҒАЛИЕВ Б. Сариновтың жаттықтырушысы

Турнир жақсы өтті. Бұл бала маған 6 класында маған оқушы болып келген.Ол өте сондай сабырлы бала,қайратты,жасөспірімдердің арасында Қазақстанның чемпионы болды самбо күресінен.Ересектердің арасында 19 жасында Қазақстан чемпионатында жүлделі орынға ие болды.

Турнир барысында әр белдесу тартысқа толы болды.Спортшылардан жеңіске деген жігер мен жаттығудың нәтижесі байқалды.

Жарыс соңында жеңімпаздарға 70 мың теңге, екінші орын иегерлеріне 50 мың, үшінші орын алған спортшыларға 30 мың теңге көлемінде ақшалай сертификат табысталды. Сонымен қатар, әр салмақта топ жарған спортшының бапкері де марапатталды. Жылдан жылға ауқымы кеңейіп келе жатқан жарыс келер жылы бұдан да жоғары деңгейде өтпек.

АЙДАНА БАЗАРБАЙҚЫЗЫ, ДУМАН ОРАЗОВ

«ҰЛЫТАУ» ТЕЛЕАРНАСЫ