ҮСТЕЛ ТЕННИСІНЕН АЙМАҚТЫҚ ТУРНИР

Ulytautv 13-май, 17:28 0 ЖАҢАЛЫҚТАР / ҰЛЫТАУ ОБЛЫСЫ / ЖЕЗҚАЗҒАН ҚАЛАСЫ

Үстел теннисі – жылдамдық пен ептілікті,ойлау қабілеті мен төзімділікті қатар талап ететін ерекше спорт түрі. Бүгінде бұл олимпиадалық спорттың дамуына ерекше көңіл бөлініп отыр.Аталмыш турнирге Жезқазған,Сәтбаев,Қаражал қалаларынан және Жаңаарқа мен Ұлытау аудандарынан 100-ден астам теннисші қатысты.

Зухрап ДАУМБАЕВ Жезқазған қаласы дене шынықтыру және спорт бөлімінің басшысы

Бүгін міні Ұлытау облысы,Жезқазған қаласында да Жігер спорт кешенін салып беріп,оның ішінде міне қандай үстел теннисіне арнайы спорт залы бар,қаншама үстелдер,қаншама балалар бүгінгі таңда осы спорттың түрімен айналысуда. Осы турнирге қатысып жатқан спортшылар болашақта әлем чемпионы,олимпиада ойындарына қатысады деген үміттеміз.

Турнирдың басты мақсаты – салауатты өмір салтын насихаттау және жастарды спортқа баулу.Ұйымдастырушылар жарыстың жылдан-жылға ауқымы кеңейіп келе жатқанын айтады.Биыл үшінші рет өткізіліп отырған бұл дода келесі жылы республикалық деңгейге шығады деген үміт бар.

Ғалия ӘБДІҒАППАРОВА үстел теннисінен аға жаттықтырушы

Спорт жанашырлары ағалардың арқасында бүгінгі таңда теннисшілер қатары көбейіп,жақсы жетістіктерге жетуде. .Биылғы жарыстың ерекшелігі биыл жеңімпаздарға ақшалай сыйақы көтерілді.Ол деген балалар үшін үлкен қолдау,үлкен мотивация,үлкен жетістік.

10 жасар Аяла Дүйсенәлі 3 жылдан аса тенниспен шұғылданып келеді. Бүгінгі жарыста да табандылығымен және сенімді ойынымен жанкүйерлерді тәнті етті.

Аяла ДҮЙСЕНӘЛІ жарысқа қатысушы

Мен тенниспен 3 жарым жыл қатысамын.Маған теннис ойнау өте қатты ұнайды.Және де менің тренерымның аты Әбдіғаппарова Ғалия. Мен болашақта Республика чемпионы болғым келеді.Бұндай жарысқа мен 2ші рет қатысып тұрмын,алдыңғы жарыста мен 2ші орын алдым,ал бүгін болса мен 1 ші орын алып жатырмын.

Сондай-ақ турнирде өз шеберлігін тағы бір мәрте дәлелдеген жас спортшы – Жақып Шерхан. Бұған дейін де бірнеше жарыста топ жарған ол, бұл жолы да жеңіс жолынан таймай, өзінің ракетка шебері екенін көрсетті.

Шерхан ЖАҚЫП жарысқа қатысушы

Үстел теннисімен айналысып жатқаныма 4 жыл болды.Бүгінгі жарыста қарсыластарым өте мықты болды.Бірақ ешнарсеге қарамай мен 1ші орынды сақтап қалдым.Оның алдында республикалық және облыстық жарыстарға қатыстырдым.Облыстықтан 1 ші орын алдым.Осы жарысқа көп дайындалдым.

Жарыс қорытындысы бойынша үздіктер ақшалай сыйлықтармен және медальлдармен марапатталды.Ұйымдастырушылар осындай турнирлер арқылы болашақ чемпиондарды тәрбиелеп, өңірде үстел теннисінің дамуына серпін беруді көздейді.

АЙДАНА БАЗАРБАЙҚЫЗЫ, ДУМАН ОРАЗОВ

«ҰЛЫТАУ» ТЕЛЕАРНАСЫ