NЕ КЕРЕК?» ӘЛЕУМЕТТІК ВЕБ-СЕРИАЛЫНЫҢ ТҰСАУКЕСЕРІ ӨТТІ

Ulytautv 19-май, 09:47 0 ЖАҢАЛЫҚТАР / ҰЛЫТАУ ОБЛЫСЫ / СӘТБАЕВ ҚАЛАСЫ

Сериалда қазіргі қоғамның өзекті тақырыптары – құмар ойынға тәуелділік, нашақорлық, ата-ананың жауапкершілігі мен жас ұрпақ тәрбиесі көркем түрде көрініс табады. Жобаға кәсіби актерлермен қатар, Серке Қожамқұлов атындағы театр әртістері де қатысқан. Жобаның режиссері – Шапағат Орынбаев.

Шапағат ОРЫНБАЕВ "Ернар медиа" студиясының жетекшісі

Бұл негізінде социалдық веб-сериал десек те болады.Не керек деген атауы не үшін,өйткені ішінде көптеген сұрақтар қозғалады.Лудамания,қазір қайрымдылық қорымен айналысып,оны жеп қойып жатқан қаншама алаяқтардың жаңа түрлері шығып жатыр.Жалпы осы бүлік шығаратын адамдар жайында көп фильмдегі 7,8 жолы бар өзінің,3 жанұядан құралған әрқайсының өз тағдыры жалпы осы қазіргі замандағы ащы шындықты көрсететін веб-телесериал.

Фильмдегі бас кейіпкерлердің бірі – Лаура рөлін сомдаған шымкенттік әртіс Әсел Ильяс. Оның айтуынша, сериал жастарға өмірлік маңызы бар дұрыс таңдау жасауға көмектеседі.

Әсел ИЛЬЯС әртіс

Жалпы бұл кино қазіргі біздің жастарымызға үлкен септігін тигізеді деп ойлаймын.Себебі қазір біздің үлкен қалаларымызда бұндай жағдайлар өте көп болып жатыр. Жас қыздардың лудоманияға түсуі немесе жаңағы есірткіге тәуелді болуы осылай басталады оларда да басында. Және болашақ жастарға айтарым осы киноны көріп өздеріне жақсы бір түйін қабылдаса деп ойлайм.

Веб-сериал он бөлімнен тұрады. Премьера барысында алғашқы үш серия көрерменге ұсынылды. Түсірілім жұмыстары Сәтбаев қаласында жүргізіліп, жоба үш айда толық аяқталған. Жақын арада сериал YouTube платформасында және «Ұлытау» телеарнасы эфирінен көрсетіледі деп жоспарланып отыр.Көрермен жобаның тәрбиелік маңызын жоғары бағалады.

Айымжан ӘБДІРАЗАҚОВА Сәтбаев қаласының тұрғыны

Сәтбаев қаласында осындай туынды шыққанына өте қуаныштымын.Өте керемет әсер алдым.Бұл туынды біздің өсіп келе жатқан жастарға жақсы тәрбие береді,нашақорлыққа жолама,салауатты өмір салтын ұстану және де дұрыс ой-өріспен жақсы ниетпен жақсы өсіп дамуға тәрбие беретін жақсы сериал.

Гүлмира ЖАППАСОВА Ұлытау облысы бойынша бала құқықтарын қорғау жөніндегі уәкіл

Енді мен ойлайм бұл телесериал осы халықтың санасына үлкен бір ой салады деп.Сценарийдың мазмұнында осы өзекті мәселелер көтеріліп отыр. Сол жақсы жағында болып жаьқан жағдайлар жалғасын қалай табатынын,ал енді жаман жаққа өзін алып кеткен жалпы адамның өмірі неге ұрынатынын тағы да көрсетеді деп ойлайм.Болашақта бұндай әлеуметтік жобалар өз жалғасын табады деп ойлаймын.

Айта кетейік, «Ернар Медиа» студиясы осыған дейін 39 қысқаметражды фильм түсірген. Жуырда тағы бес әлеуметтік бағыттағы фильм мен бір сериал жарыққа шықпақ.

АЙДАНА БАЗАРБАЙҚЫЗЫ, ДУМАН ОРАЗОВ

«ҰЛЫТАУ» ТЕЛЕАРНАСЫ