Көркем гимнастикадан облыстық ашық чемпионат

Ulytautv 06-май, 17:11 0 ЖАҢАЛЫҚТАР / ҰЛЫТАУ ОБЛЫСЫ

Чемпионатқа 2020 жылы туған балғындардан бастап, 2009 жылы туған спорт шеберлігіне кандидаттар деңгейіндегі гимнасттар бақ сынады.Қатысушылар жас ерекшелігі мен дайындық деңгейіне қарай бірнеше санат бойынша өнер көрсетті.

Жанна АБДЫМАНАПОВА бас төреші

Қазақстанның барлық өңірінен 250 спортшы келіп отыр. Бүгін қыздар Ұлытау обылсының ашық чемпионатының ең үздік көркем гимнастика шебері атағын алу үшін бақтарын сынап жатыр.

Ұлытау облысында көркем гимнастика спортына алғашқы қадам енді ғана жасалуда. Бұған дейін спорт түрі өңірде дамымаған болатын. Алғаш рет ұйымдастырылған чемпионат – жаңа бастаманың айқын дәлелі. дода аймақта көркем гимнастиканың дамуына жол ашып, жас спортшылардың шеберлігін шыңдауға мүмкіндік береді.

Дильназ САДЫКОВА жаттықтырушы (Ұлытау облысы)

Бұл чемпионат – біз үшін алғашқы үлкен қадам. Ұлытау облысының намысын қорғап жатқан спортшыларымыз өз білімдері мен жинақтаған тәжірибелерін лайықты түрде көрсете алды. Қатысушылардың барлығы жоғары деңгейде өнер көрсетіп жатыр. Осындай жарыстардың арқасында елімізді әлемге танытатын спортшылар өсіп шығады деп сенемін.

Көркем гимнастика – спорттың ең әсем әрі күрделі түрлерінің бірі. Онда гимнастикалық және би жаттығулары түрлі құралдарды – шеңбер, доп сияқты заттарды қолдану арқылы орындалады.

Айым ҒАЛЫМЖАНОВА жарысқа қатысушы (Ұлытау облысы)

Мен өзімді жақсы нәтиже көрсеткеніме үміттенемін. Қарсыластырым өте мықты. Барлығына алдағы уақыттағы жарыстарға жақсы нәтиже көрсеткенін тілеймін.

Жарыс соңында үздік нәтиже көрсеткен спортшылар медальдармен және грамоталармен марапатталды. Чемпионат жас гимнасттар үшін үлкен тәжірибе алаңы болып, олардың алдағы жарыстарға деген сенімін нығайтты. Ұлытауда көркем гимнастиканың дамуына жол ашқан бұл жарыс алдағы уақытта дәстүрлі түрде өткізіледі деп күтілуде.

ГҮЛІМ МАРАТҚЫЗЫ, АЙДОС ӨМІРБЕКҰЛЫ

«ҰЛЫТАУ»ТЕЛЕАРНАСЫ