ІQANAT ОЛИМПИАДАСЫНЫҢ II КЕЗЕҢІ

Ulytautv 01-апр, 10:17 0 ЖАҢАЛЫҚТАР / ҰЛЫТАУ ОБЛЫСЫ / ЖЕЗҚАЗҒАН ҚАЛАСЫ

IQanat қоры ауылдық жерлерден шыққан дарынды оқушыларды қолдап, олардың үздік жоғары оқу орындарына түсуіне мүмкіндік беретін ерекше жоба.Ұлытау облысы бойынша ІQanat олимпиадасының 2ші облыстық кезеңіне 66 бала қатысты.Егер олар үшінші кезеңге өтсе, Алматы қаласында өтетін ақтық кезеңде бақ сынайды.

Руслан ТӨЛЕН «Ұлытау дарыны» орталығының директоры

Бұл олимпиада ауыл мектептерінің оқушыларына арналған қарапайым отбасыдан шыққан оқушылардың болашақта мықты мықты Қазақстандағы,тіпті керек болса шетелдік университеттерінің грантын иеленуге мүмкіндік беретін үлкен олимпиада.Бұл 8 сыныптың оқушыларына арналған 9 сыныптан бастап осы мектептің қабырғасына түседі және де 9,10,11 сыныпта жақсы сапалы білім беру арқылы мықты беделді университеттердің грантын иеленуге барлық жағдай жасайды.Сондықтан да ауылдан шыққан оқушыларымызға өздерінің армандарына жетуге деген үлкен мүмкіндік деп ойлаймын. Республикада мың баланың ішінен 100 баланы іріктеп алатын болады. Сондықтан да осы 100 баланың ішінен өзіміздің Ұлытау облысының оқушылары бой көтереді деген үлкен сенімдеміз.

Бурабайда орналасқан іqanat мектебінде оқушыларға шетелдік жоғарғы оқу орындарына түсуге барлық мүмкіндік жасалған. Білім беру жүйесі Кембридж бағдарламасына негізделген. Өткен жылы дәл осы олимпиаданың барлық кезеңінен сәтті өтіп,грант жеңіп алған Жаңаарқа ауданынан шыққан дарынды оқушылардың бірі Ерасыл Есенбаев.Ол қазіргі кезде осы мектепте білім алып, шетелдік жоғарғы оқу орнына түсуге дайындалуда.

Ерасыл ЕСЕНБАЕВ, IQanat High School of Burabay мектебінің оқушысы

Назарбаев мектебі сияқты дарынды балаларға арналған мектеп.Яғни шетелге түсуге немесе жақсы оқу орындарына түсуге барлық мүмкіндіктерді беретін жақсы жер деп санаймын. Шетелге түсу үшін сол шетелдегі программамен оқып,сол шетелге оңай дағдылануға ағылшын тілін үйренуге жақсы көмектеседі.Осы олимпиададан өтіп,біздің балалар Ұлытау облысын көтеріп,әрі қарай 3ші турдан да өтіп грант алса,онда болашағына үлкен мүмкіндік болады деп санаймын. Мен өзім қазір 9 сынып оқып жатырмын,11 ді бітіргеннен кейін тесттар тапсырып, АҚШқа түсемін деп ойлаймын.Одан кейін сол жақта білім алып,қайта Қазақстанға келемін.

Нұртілеу АМАНБАЙ, ІQanat олимпиадасының қатысушысы

8 мектеп оқушысымын.Бименде Амалбеков мектебінен келдім Жаңаарқа ауданынан.Бұл мектепке түсу мақсатым өзімнің білімімді дәлелдеп,осы мектепке түскім келді.Мені дайындаған мұғалімдерге үлкен алғыс.

Ауқымды білім сайысы Ұлытау облысының білім басқармасының қолдауымен, сондай-ақ меценаттар мен қамқоршылардың қаржылық қолдауымен ұйымдастырылған. Жобаның бастамашысы BI Group құрылыс холдингінің төрағасы Айдын Рахымбаев. IQanat қоры жыл сайын кеңейіп,оған жаңа қамқоршылар қосылуда. Соңғы жылдары Iqanat түлектері 41 халықаралық университеттен шақырту алып,олардың кейбірі толық немесе ішінара қаржыландыруға ие болды.

АЙДАНА БАЗАРБАЙҚЫЗЫ,ДУМАН ОРАЗОВ

«ULYTAU» ТЕЛЕАРНАСЫ