"Таза су қоймалары" акциясы

Ulytautv 08-май, 12:30 0 ЖАҢАЛЫҚТАР / ҰЛЫТАУ ОБЛЫСЫ

Тазалау жұмысына «Қазақмыс» корпорациясының қызметкерлері мен еріктілер дебелсене атсалысты. Олар Кенгір су қоймасының жағалауын тұрмыстық қалдықтар, балық аулау торлары мен пластик қоқыстардан тазартты. Табиғат қорғау басқармасының өкілдері су қоймаларында қоқыс мәселесі әлі де өзекті екенінайтады.

Абзал АХМЕТБЕКОВ Ұлытау облысы табиғи ресурстар басқармасы басшысының м.а.

Таза су айдындары іс-шарасында бұл жерде ең басты мақсатымыз мынау Ұлытау облысының төңірегінде барлық өзен,көл,тоған су қоймаларын тазарту жұмыстары және де балық ресурстарын сақтау және мынау қазіргі көктемгі уақытта балықтардың уылдырық шашуына қолайлы жағдайлар жасау болып табылады.

Экологиялық сенбілікке 7 техника жұмылдырылып,бірнеше сағат ішінде ондаған қап қоқыс жиналды. Ұйымдастырушылардың айтуынша мұндай акциялар жыл сайын өткізіледі.

Ержан ТУЛЕБЕКОВ Ұлытау облысы бойынша балық инспекциясы бөлімінің басшысы

Акцияға Қазақмыс корпорациясы қызметкерлері және аңшылар мен балықшылар қоғамдық бірлестігі,Жезқазған қаласының әкімшілігі тағы да еріктілер қатысып жатыр.Акцияның мақсаты судағы тазалау,және жағалау маңын қоқыстардан тазалау болып табылады.

Сенбіліктің нәтижесінде 10 тоннадан астам қалдық шығарылды. Табиғат жанашырлары мұндай шаралар су көздерінің экологиялық ахуалын жақсартуға сеп болатынын жеткізді.

Есет ҚАРАЕВ «Қазақмыс» корпорациясы ЖШС әлеуметтік саясатты дамыту жөніндегі менеджері

60 адам біз Қазақмыстан келіп жатырмыз.Осы іс-шарамыз бізде Таза Қазақстан Республикалық экологиялық акция барысында жасалып жатыр.Маңыздылығы енді Кеңгір су қоймасы ол Жезқазған қаласы және Ұлытау облысында стратегиялық маңызды жерлердің бірі ғой,сол үшін осы тұщы суды баршалықты таза ұстау бәріміздің міндетіміз.

Табиғатты қорғауға бағытталған бұл шара қоғамда экологиялық мәдениетті қалыптастыруды көздейді.Мамандар табиғатты таза ұстап,заңсыздықты көрсе,бірден полицияға немесе тиісті мекемелерге хабарлауды ескертті.

АЙДАНА БАЗАРБАЙҚЫЗЫ, АСХАТ ЖАҚСЫЛЫҚ

«ҰЛЫТАУ» ТЕЛЕАРНАСЫ