Соңғы жаңалықтар:

Қысқа метражды фильмдер көрсетілімі

Автор: ULYTAUTV
15-05-2024, 16:46
131

Бөлісу:

Сәтбаев қаласы әкімдігінің тапсырысы аясында "Ернар" киномедиа студиясы әлеуметтік тақырыптардағы қысқа метражды фильмдер түсірген. Бұған дейін қысқа метражды фильмдер Жезқазған қаласында да түсірілген болатын. Онда үлкенді сыйлау, бала тәрбиесі, мұқтаж жандарға қолдау білдіру секілді өзекті тақырыптар қамтылған.

Шапағат Орынбаев, «Ернар медиа» киностудиясының жетекшісі

Осы 6 фильміміз сәтті шықты деген ойдамыз. Өйткені бүгін премьерада дұрыс көзқарастарын жеткіздік деген ойдамыз. Түрлі әлеуметтік мәселелерді қозғадық. Енді бұл фильмдерді Ұлытау телеарнасына тапсыратын боламыз.

Бұл күні көрермендерге 15-20 минуттан тұратын 6 фильм ұсынылды. «Парақор», «садақа», «білім,еңбек,болашақ», «жақсы аға,жаман аға» «контенттің құрбаны», «ұялы телефон» атты фильмдердің барлығы кеншілер қаласында түсірілген. Оған кәсіби актерлер мен қатар «Ернар медиа» студиясының оқушылары түскен.

Іңкәр ҚҰРМАНЖАН «Ернар медиа» киностудиясының оқушысы

Ернар медиада оқып жатқанымызға 6 ай болды,6 айдың ішінде осындай жетістіктерге жетіп жатрымыз. Жаңа мына жерде бұзық қыздың рөлін ойнаймын.қыздарды ұрам, бұзақылық жасаймын, жағымсыз кейіпкерлерді жасаймын.

Әлеуметтік фильмдерді көруге келген көпшілік,қазіргі қоғамның проблемасын дөп басқан дейді. Мәселен, «ұялы телефон» деген фильм желісі былайша өрбиді. Бұрын ата-ана үй шаруасымен айналысып, күндіз-түні еңбектеніп, әйтеуір жарғақ құлақтары жастыққа тимейтін. Күйбең тіршіліктің соңында жүрсе де бала тәрбиесіне көңіл бөліп жүретін.Қазір ата-ана телефонға телмірген заман болды. Бала ата-анасына қарап ұялы телефонға айналығысы келеді.

Майра ЖАППАСБАЕВА Сәтбаев қаласының құрметті азаматы

Қаншама осындағы көрсетілгендердің барлығы бүгінгі күннің алысқа бармай-ақ осы біздің қаламызда болып жатқан дүниелер.Сондықтан да осыны ұйымдастырған әртістерге, режиссерлерге алғыс білдіремін. Әрине бұл әсіресе кейінгі буынға қажет.

«Ернар медиа» киностудиясының жетекшісі Шапағат Орынбаев тағы осындай әлеуметтік 50 фильмнің сценарийі дайын тұрғанын айтады. Сәті келсе олар да жарыққа шығады.

ГҮЛІМ МАРАТҚЫЗЫ,ДУМАН ОРАЗОВ «ҰЛЫТАУ»ТЕЛЕАРНАСЫ