Облыс әкімі тұрғындарды қабылдады

Әкімнің қабылдауына алғашқы болып кірген Нұрша Кәкенов  Қаражал қаласы мен Жәйрем кенті үшін су қоймасын салуға, сондай-ақ Қаражалда марганец кен орындарын игеруге қатысты ұсыныстарымен келген...

Ал, «Ұлытау облысының Шахмат федерациясы» ҚБ өкілдері материалдық-техникалық жарақтандыру және жаттықтырушылар құрамы туралы сұрақтарымен қабылданды. Сонымен қатар, кездесу барысында алдағы 20 жасқа дейінгі жасөспірімдер арасындағы шахматтан ҚР чемпионатын өткізудің жоспары талқыланды. Аталған турнир Жезқазғанда 11-20 сәуір аралығында өтпек.

Әрі қарай Амантай Меңдіғалиев атқарылған жұмыс үшін тиісті төлемдер туралы сұрақпен жүгінсе, Махан Рахымбердиев өз кезегінде еңбек қатынастарын реттеу саласындағы мәселелермен бөлісті.

Мұқағали Сейтқазы, Мейіржан Мейрамұлы, «Ұлытау» телеарнасы