Соңғы жаңалықтар:

Кеңгір кемерінен асты

Автор: ULYTAUTV
10-04-2024, 09:54
120

Бөлісу:

Кеңгір су қоймасы 1952 жылы пайдалануға берілген. Қар суымен толығады. Сыйымдылығы 319 млн текше метр болатын нысан облыстағы 3 қаланың екеуін тіршілік нәрімен қамтамасыз етіп отыр. Өңірдегі алпауыт өндіріс ошақтары да шаруашылық суын осы жерден алады. Сондықтан болар жезқазғандық жұртшылық су қоймасының жағдайына үнемі алаңдаушылық білдіреді. Оған негіз де бар. Нысан 1966 жылдан бері күрделі жөндеу көрмеген.

БЕКЗАТ ДАЙРАБАЙҰЛЫ, Ұлытау облыстық мәслихатының депутаты

-(жалпы айтқанда іріп-шіріп кетпесе де, тоза бастағаны көрініп тұр. шыны керек. Тростары бар, темірлері бар шамалы. Енді бұл өте стратегиялық нысан болғандықтан бұл жердің бәрі жөнделу керек деп ойлаймын.

Көктемгі тасқын басталғалы қоймаға 363 млн текше метр су жиналды. Кемеріне келген соң артылған 267 млн текше метр су сыртқа жіберілді. Көптен бері мұндай көлемде су болмап еді.)

АЛМАС ЖАНДАРБЕКОВ, Ұлытау облысының ТҮКШ және энергетика басқармасының басшысы

-жалпы саны 7 шандор бар. Соның бүгінде 1-еуі ашық, қалғаны жабық тұр. Қаракеңгір мен Сарыкеңгір өзендерінен келетін судың қарқыны қайтқан соң соңғы шандорды да жабамыз.

Соңғы шандор әзір жабылмайтын секілді. Себебі, мамандар жасанды көлге әлі де 30 млн текше метрге жуық су келетінін айтады. Гидротехникалық қондырғылар қалыпты жағдайда жұмыс істеп тұр. Оған өз көзімізбен куә болдық. Дегенмен, жөндеуді қажет ететін тұстары да бар.)

БІРКЕН ҚҰЛМАНОВ, ЖЫЛУМЕН, СУМЕН ЖАБДЫҚТАУ КӘСІПОРНЫНЫҢ ДИРЕКТОРЫ

(-ешқандай алаңдауға, жабалмай қалды, ашылып қалды, су кетіп қалады деген ондайға еш алаңдаушылық, еш қауіп жоқ. Жағдайы енді орташа, орташадан сәл жақсы деп айтуға болады. ауыстыратыны үстіндегі тельферлар, соларға ремонт керек боп тұр.)

Жасанды көлдің арнасы иесіз, ал, гидротехникалық құрылғылары жер қойнауын пайдаланушы компанияның басқаруында. Қазір Стратегиялық нысанды мемлекет меншігіне қайтару жұмыстары жүріп жатыр.

Мұқағали Сейтқазы, Бекжан Маратұлы, «Ұлытау» телеарнасы