Ораза қабыл болсын, ұстаған жан!

Сәтбаев қаласындағы «Арай» мейрамханасының үлкен залында өткен ауызашар дастарханына 600 ден астам адам жиналды. Балмағанбет Балқыбайұлы атындағы орталық Мешіт ұжымы мен жанашыр жамағаттың бірлесе қолға алған шарасы – сауапты да, жауапты айдың салиқалы қортындысы болды...

Берекелі дастархан басында ұлттық салт-дәстүр мен Исламның ізгі құндылықтары жайында сұрақтар қойылған интеллектуалды ойындар ойнатылды. Ақындар асыл дінімізді дәріптейтін өлең оқыды, Имамдар ағайынның ауызбіршілігін арттыратын уағыз айтты.

Сәтбаев мешітінің жаңалығы көп. Заманауи технологиялардың қарыштап дамып жатқан кезеңінен мешіт ұжымы да қалыс қалмаған. Көрсетілетін қызмет түрлері топтастырылған жаңа сайт осы кеште таныстырылды. 

Рамазанның қортынды кешінде «Қазақмыс» корпорациясы еңбеккерлері құрған «Ұлытау» қайырымдылық қоры мұқтаж отбасыға Сәтбаевтан 3 бөлмелі пәтердің кілтін табыс етсе, ұтыс билеті арқылы бір адамға Ұмра қажылыққа сертификат берілді. Мешіттің наиб имамына автокөлік сыйланды. Осылайша біз - тірлігі мен бірлігі бекем елдің бас қосуының куәсі болдық!

Мұқағали Сейтқазы, Сергей Майкович, «Ұлытау» телеарнасы