Құрылыс нысандары - облыс әкімінің бақылауында

Алғашқы нысан- Байқоңыров көшесінде орын тепкен бала бақша. Іргетасы бұдан 10 жыл бұрын қаланған, 320 балаға арналған бұл балабақша әлі пайдалануға берілмеген. Екі жарым жылдай уақыт мерзімде үш қабатты ғимараттың негізгі қаңқасы тұрғызылды, төбесі жабылды, есік-терезе орнатылды. Ішінара ішкі әрлеу жұмыстары жасалды. Көпшілік тағатсыздана күткен мектеп жасына дейінгі мекеменің шаруасы осымен тынды. Қазір облыс әкімінің тапсырмасымен құрылыс қайта жанданды. Аумағы 4328 м болатын бөбекжайдың тапсырылу мерзімі осы жылдың шілде айы. 

Келесі нысан- Гагарин көшесі 70/3 мекенжайындағы несиелік тұрғын үйдің құрылысы. Қазір негізі қаланып жатқан 5 қабатты 28 пәтерлі үйдің құрылысын «Самға»ЖШС жүргізуде. Жобаның жалпы құны 665.9 млн теңге. Үй осы жылдың соңына дейін аяқталады деп күтіулде. Аймақ басшысы бастаған топ сондай-ақ уақытылы қатарға қосылмаған әлеуметтік –тұрмыстық мақсаттағы «сақалды» құрылыс атанған -   74 орамдағы Гагарин көшесі 70/2 мекенжайында қалқиып тұрған 5 қабатты 28 пәтерлік тұрғын үйге барды. Дәрігерлерге арналған бұл үй жарамсыз деп танылған. Жыры бітпеген үй мүлдем сүріліп тасаталады. Одан әрі Абай атындағы мамандандырылған лицейдің жатақхана құрылысын бақылады. 3қабатты 200орындық жатқхана қыркүйек айында қолданысқа берілуі тиіс. Бүгінде жұмыстың 65 пайызы орындалды деп отыр. Құрылысты «Қаршыға 97» ЖШС жүргізуде. 

Еркеш ҚАБДУШЕВ учаске бастығы

Деев көшесінде де апатты деп танылған үй бар. Қазір үй толығымен сүріліп жатыр. Орнына жаңа үй тұрғызылмақ. Облыс әкімі қауіпсіздік басты орында деді. Себебі үй жолдың бойында орналасқаннан кейін, сүру кезінде  барлық сақтық шаралары сақталу қажет. 

Жалпы,аралау барысында аймақ басшысы барлығын уақытында және сапалы орындауды тапсырды. Нысандар бұл жолы халық игілігіне берліуі тиіс. 

ГҮЛІМ МАРАТҚЫЗЫ,СЕРГЕЙ МАЙКОВИЧ «ҰЛЫТАУ»ТЕЛЕАРНАСЫ