Құрылыс нысандары қадағалауда

Облыс әкімі аялдаған алғашқы нысан – қала орталығында салынып жатқан денешынықтыру және сауықтыру кешені. Мұнда құрылысшылар саны үш есе артып, Кеңгір өзенінің жағалауын абаттандыру жұмыстары да басталмақ. Қазіргі уақытта құрылыс басында 130 адам екі ауысымда жұмыс атқаруда. Келесі айдың ортасынан бастап күндізгі ауысымда 300, түнгі кезекте 100 адам құрылыс жүргізетін болады. 

Айта кетейік, аталған нысан халық игілігіне алдағы күзде, қазан айында беріледі деп күтілуде. 

Келесі нысан – Қаныш Сәтбаев алаңы. Мұндағы жұмыстар 75 пайызға дайын.

Құрылыс жұмыстарының басында қазіргі таңда 45 азамат еңбек етуде. Мердігер ұйым реконструкцияны мамырдың соңында толықтай аяқтауды жоспарлап отыр.

Мұқағали Сейтқазы, Сергей Майоквич, «Ұлытау» телеарнасы