«Жасыл аймақ» апталығы - Жезқазғанда

Табиғатты қорғау мен пайдалану – адамзат баласының айнымас борышы. Таза Қазақстан Экологиялық акциясының «Жасыл аймақ» апталығы өңірдегі барлық қала-ауданда нәтежиелі өткізілді. Облыс орталығында өткен шараға облыс әкімі Берік Әбдіғалиұлы мен Парламент мәжілісінің депутаты Ерболат Сатыбалдин арнайы қатысты. Акцияда жезқазғандықтар белсенділік таныта білді...

Бұл шаһарымыздағы №3 мектептің ауласы. Ағаш егу науқанының басты кейіпкерлері ата-аналар мен оқушылар болды. Берері мол шараға Сейтмағзұм ақсақал қос немересінің өтініші бойынша келген. Жүзжылдығыңды ойласаң – тал ек деген тағылымды сөзді ұстаным еткен қария ұрпақтарына өнеге көрсетуде.

”Жасыл аймақ” апталығы №8 гимназиясында да ұйымдастырылды. Жезқазған мен аталған оқу ордасының 70 жылдығына орай «70 жылдыққа  - 7 қадам» жобасы аясында өткен шараға қала әкімінің орынбасары Ербол Құсайынов пен қалалық мәслихат төраға Раушан Қапарова, ұстаздар мен ата аналар және оқушылар қатысты.

Мұнда ағаш егу жұмыстары 1 сынып оқушыларының аллеясында өтті. Балаларды еңбекке баулу мақсатында - әр оқушы өздері отырғызған ағашты ата-аналарымен бірге суарып тұрмақ...

Сондай-ақ, №1 жалпы орта білім беретін мектеп ұжымы да ағаш шараларын жоғары деңгейде өткізе білді. «Отбасы ағашын отырғыз» деген атау алған жобаға ата-аналар қауымы қолдау білдірген...

Аталған апталық шеңберінде Қаладағы барлық мектептер мен балабақшалардың аумағына 1475, саябақтар мен алаңдарға 1150, қала көшелері мен тұрғын үйлердің ауласына 725 көшет егілді. 

Бас аяғы үш мыңға жуық ұлытаулық белсенділік танытқан экологиялық акцияда №4 мектеп ұжымы да ұйымшылдықтың ерен үлгісін көрсетті. Мұндағы шараға «Қазақмыс Смэлтингтің» қызметкерлері мен облыстық мәслихат депутаттары да өз үлестерін қосты.

Көгалдандыру шарасына «Данышпан» балаларды дамыту орталығының ата-аналары да ат салысты. Бұл күні олардың бастамасымен орталық ауласына 32 түп қарағай отырғызылды.

Өткен сенбіде жалпы саны 1160 жезқазғандық тұрғын 475 терек, шырша, 400 сәтбаевтық азамат 1500 терек, қарағанй, шие ағашын, 380 қаражалдық 600 терек, 200 жаңаарқалық 300 қарағай, және Ұлытау ауданының 693 тұрғыны 475 терек, қара ағаш көшеттерін отырғызды.

Мұқағали Сейтқазы, Айдос Өмірбекұлы, Сергей Майкович, «Ұлытау» телеарнасы