Ерлікке толы өмір

Алдымен, келген қонақтар көрмені тамашалады. Одан әрі ағайынды Жанша мен Жәңгір   Жанасовтардың өмірі жайлы баян етілген бейнероликті көрді. Жанша Жанасов 1924 жылы 15 наурызда Ұлытау ауданы, Қарсақпай ауылында дүниеге келген. Соғысқа дейін мектепті тәмамдап, 1942 жылы 18 жасқа толғанда әскер қатарына шақырылған. Ағайынды Жәңгір мен Жанша сұрапылдан аман оралады. Соғыстан кейін Қарағанды тау-кен институтын "тау-кен инженері" мамандығы бойынша тәмамдап,отанымыздағы өндірістің дамуына сүбелі үлес қосты. Жерінің асты байлыққа толы Жезқазған, Қарағанды, Шымкент, Атырау алқабының кенішін қазып, тау-кен өндірісінің жандануына септігін тигізді. Республикадағы ірі зауыттардың іргетасын қалап, 40 жыл осы салада еселі еңбек етті. Аты аңызға айналған тау тұлғалармен де қатар жүрді. 

Жанұзақ КЕНБАЕВ еңбек ардагері 

Жанша Жанасов заман тамырын тап басып, жаңашылдығымен танылуына үзеңгілес дос, тарихи тұлғалардың да септігі тиді. Ел батыры, рейхстагқа ту тіккен Рақымжан Қошқарбаевпен айнымас дос болып, батылдығына бас иді. Техника ғылымының қыр-сырын өзі еліктеген Қаныш Сәтбаевтан үйренді. Бүгінгі іс-шараны ұйымдастыруға ұйықты болған Ұлытау облысының мемлекеттік архиві Жанша Жанасовтың жеке тектік қорын жинақтау үстінде. 

Гүлнәр ТӨРЕБАЕВА  Ұлытау облыстық мемлекеттік архивінің архивисі 

Ардагер соғыс туралы айтуды ұнатпайтын деседі. Ол әрқашан білімнің маңызды екенін айтып, балалардың білімге деген құштарлығын жоғары бағалаған. 

 ГҮЛІМ МАРАТҚЫЗЫ, ДУМАН ОРАЗОВ «ҰЛЫТАУ»ТЕЛЕАРНАСЫ