Әскерге көктемгі шақыру науқаны 1 наурыз бен 30 маусым аралығында өтеді. Оған 350-ге жуық сарбазды жөнелту жоспарланған. Салтанатты шарада, облыс әкімінің орынбасары, әскери қызметкерлер мен ауған соғысы ардагерлері сөз сөйлеп, жас сарбаздарға сәттілік тіледі.
Ұлантай ҮСЕНОВ Ұлытау облысы әкімінің орынбасары
Құрметті әскерге шақырушылар, барған жерлеріңде шығармашылық танытып, адамгершілік танытып нағыз ер азам болып елге қызмет ететіндеріне толық түрде сенімдіміз.
Жалпы, ер-азаматтың Отан алдындағы борышын өтеуі абыройлы іс. «Армия – өмір мектебі» деген қағида қай кезеңде де күшін жоймаған. Бұл жолы 20 сарбаз Приозерск қаласындағы Қазақстан Республикасы авиақорғаныс Күштеріне аттанады. Олардың қатарында жаңаарқалық Айбек Тоқпан да бар.
Айбек ТОҚПАН әскерге шақырылушы
Өз әскери борышымды ҚР қарулы күштерінің Приозерск қаласындағы 44841 әскери бөлімінде атқаратын боламын.Мен үшін бүгін тарихи күн.Отан алдындағы боршымыды атқаруға бара жатырмын.
Сарбаздарды шығарып салу шарасы – ата-аналар,аға-апалары үшін де қимастыққа толы сәт. Жас сарбаз Бақыт Айбардың әпкесі Динара Шумаева інісіне сенім білдіріп, таңдауын қолдауды құп көрген.
Динара ШУМАЕВА ата-ана
Бүгін керемет іс-шараға куә болып тұрмыз. Өзімнің артымнан ерген бауырым әскер қатарына қосылғалы тұр. Енді аман барып сау қайтса деген тілегіміз бар.
Осылайша, азаматтық борышын өтеуге бекінген жастар әскер қатарына алынды. Отан қорғауға аттанған сарбаздар бір жыл азаматтық борышын өтейді.
Айта кетейік, іс-шара Отан қорғаушылар күні мен Жеңіс туын желбіреткен Рахымжан Қошқарбаев пен Кеңес одағының батыры, халық қаһарманы Сағадат Нұрмағамбетовтің 100 толуына арналып өткізілді.
ГҮЛІМ МАРАТҚЫЗЫ,ДУМАН ОРАЗОВ «ҰЛЫТАУ»ТЕЛЕАРНАС
Пікірлер орны
Санаттар
Біздің ақпараттық бюллетеньге жазылыңыз!
Кездейсоқ
Сыбайлас жемқорлықтың алдын алу
Жырым сенсің, Ұлытау
"Мерейлі отбасы" байқауының
Тамақтан уланудың алдын алу
