Соңғы жаңалықтар:

Түскен өтініштер елеусіз қалмайды

Автор: ULYTAUTV
15-05-2024, 16:57
87

Бөлісу:

Семинарға ҚР Бас прокуратурасы, құқықтық статистика және арнайы есепке алу комитетінің Ұлытау облысы бойынша департамент бастығы Сәкен Ыдырыс қатысты. Кіріспе сөз сөйлеген департамент бастығы аталмыш комитеттің жыл сайын «шағымдар мен арыздарды қарау сапасы» бағыты бойынша мемлекеттік аппарат қызметінің тиімділігін бағалайтынын атап өтті.

Сәкен ЫДЫРЫС ҚР Бас прокуратурасы, құқықтық статистика және арнайы есепке алу комитетінің Ұлытау облысы бойынша департамент бастығы

Осы 1,5жылда департамент қызметкерлермен бірнеше тексерулер өткізілді.Алайда әлі де болса осы нормаларды сақтау үшін біраз жұмыстар атқару керек. Арыз шағымдардың сапасын бақылау туралы. Біз алдағы уақтта мекмемлекеттік органның ашықтығын,сапасын, қамтамасыздығын қарайтын боламыз.

Семинар-кеңесте ағымдағы жылдың бірінші тоқсанында өтініштерді қарау турасында жол берілген құқық бұзушылықтар туралы ҚР Бас прокуратурасы, құқықтық статистика және арнайы есепке алу комитетінің Ұлытау облысы бойынша департаменті, өтініштерді талдау және бақылау бөлімінің бастығы Мейіржан Амановтың ақпараты тыңдалды. Бөлім басшысының айтуынша, үстіміздегі жылдың алғашқы тоқсанында облыс бойынша түскен барлық арыз-шағымның 78 проценті немесе 4611-і жергілікті атқарушы органдарға тиесілі.

Мейіржан АМАНОВ өтініштерді талдау және бақылау бөлімінің бастығы

-Өткен жылдың осы кезеңімен салыстырғанда бұл көрсеткіш 10,5 процентке артқан. Оның ішінде өтініштер 56пайызға шағымдар 38,5пайызға өскен. Ұсыныстар саны болса 312-ден 243-ке төмендеген. Тұрғындар тарапынан өзектілігін жоймаған мәселелер қатарында жер және жер қойнауын пайдалану және тұрғын-үй коммуналдық шаруашылығы жайттары бар.

Баяндамадан кейін жиынға қатысушылар қызмет барысында кездескен түйткілді түйіндерге қатысты сауалдарын жолдады. Тараптар талқысы барысында өтініштерді қарау мерзіміне байланысты құқық бұзушылықтар, олардың қаралу сапасы, әкімдік бөлімдері арасында түскен шағымды бір-біріне жөнелту турасындағы мәселелер қамтылды. Жиында көтерілген барлық мәселе жан-жақты қаралып, айтылған ұсыныстар тегіс қамтылды.

ГҮЛІМ МАРАТҚЫЗЫ,ДУМАН ОРАЗОВ «ҰЛЫТАУ»ТЕЛЕАРНАСЫ