Соңғы жаңалықтар:

Әдеп жөніндегі кеңес отырысы

Автор: ULYTAUTV
22-05-2024, 17:24
94

Бөлісу:

Кеңес отырысының күн тәртібіне сәйкес Ұлытау ауданы әкімі аппаратының Әдеп жөніндегі уәкілінің есебі тыңдалды. Ержан Дәуітбай әдеп кодексінің талаптарын сақтау мәселелері бойынша 12 қызметшіге жеке консультативтік көмек көретлігенін айтты.

Ержан ДӘУІТБАЙ Ұлытау ауданы әкімі аппаратының әдеп жөніндегі уәкілі

Есептік кезеңде әдеп уәкілімен 12 кездесу өткізіліп,оның ішінде 8 кездесу аудан көлемінде, село,кенттерде өткізілді. Қабылдауға келушілер анонимді түрде және жеке бас мәселелрімен жүгінеді.

Сондай-ақ Ветеринариялық бақылау және қадағалау комитетінің Ұлытау облыстық аумақтық инспекциясының Әдеп жөніндегі уәкілінің есептері қаралып, қорытындысы бойынша мемлекеттік қызмет саласындағы заңнаманы сақтауды нығайту бағытында бірқатар ұсыныстар берілді.

Роман КИМ ҚР мемлекеттік қызмет істері агенттігінің Ұлытау облысы бойынша департаментінің басшысы

Бұдан бөлек, 2024 жылдың 1 тоқсаны бойынша Ұлытау облысының жергілікті атқарушы органдары мен орталық мемлекеттік органдардың аумақтық бөлімшелерінің тәртіптік комиссияларының қызметіне жүргізілген талдаудың нәтижелері талқыланады. Сондай-ақ, 2023 жыл мен 2024 жылдың 1 тоқсанының қорытындылары бойынша мемлекеттік қызметшілерді қылмыстық және әкімшілік жауаптылыққа тартылуы жағдайына жүргізілген талдау қорытындысы қаралады.

Талдау нәтижелері бойынша мемлекеттік қызметшілердің «Әкімшілік құқық бұзушылық туралы» Кодексінің жеке бастың құқықтарына, қоғамдық тәртiпке, имандылыққа қол сұғатын және көліктегі әкiмшiлiк құқық бұзушылықтарға қатысты тиісті баптары бойынша әкімшілік тәртіптік жауапкершілікке тартылудың себептері мен салдары, оларды алдағы уақытта болдырмау мақсатында әдеп жөніндегі уәкілдердің заңнама талаптарын қатаң сақтау және оларды мемлекеттік қызметшілерге түсіндіру, жеке жұмыстар, қабылдаулар өткізу қажеттігі бойынша бірқатар ұсыныстар берілді.

ГҮЛІМ МАРАТҚЫЗЫ ДУМАН ОРАЗОВ «ҰЛЫТАУ»ТЕЛЕАРНАСЫ