Биылғы жарыс жезқазғандық 12 мектептің жас құтқарушыларының басын қосты. Шараның басты мақсаты – өскелең ұрпақтың бойында азаматтық міндетті арттыру, өрт, апат кезінде жедел әрекет ету шеберлігін қалыптастыру.
Дидар Құйқабаев Жезқазған қаласының ТЖБ бастығы
Жалпы осы қалалық олимпиаданың жеңімпаздары,облыстық олимпиадаға жолдама алатын болады. Одан жеңсе республикалық олимпиадаға жолдама алады.
Жас құтқарушылардың алдымен суда адамның өміріне қаншалықты араша түсе алатындары тексеріледі. Сайыс шарты бойынша қатысушылар барлық ережелерді сақтап, уақытында тапсырмаларды дұрыс орындау керек. Ол білікті мамандардың қатаң қадағалуында. Балалар қауіпсіздік ережелерін жалпы мектептерінде, арнайы үйірмелерде меңгеріп келген. Бүгін соны іс жүзінде дәлелдеп, шеберліктерін көрсетуге дайын. Командалар александр түйінін лақтырды, қайықпен суға батқан адамды құтқарды. Әрине, тапсырма оңай емес. Бірақ жас құтқарушылар ептіліктерін көрсете алды.
«Жас құтқарушылар» жарысының екінші һәм қорытынды айналымы Металлург стадионында өтті. Олар екінші айналымда «жауынгерлік қанат жаюдан» , өртті өшіруден сынға түсті.
Жалпы, құтқарушының жұмысы күтпеген тосын жағдайларға толы. Оларға жүтелетін міндет те ауыр. Сондықтан мұндай мәндегі іс-шаралар жастардың бойында бала кезден жауапкершілік, батылдық, жедел шешім қабылдау сынды қасиеттерді қалыптастыруға сеп болмақ. Былтыр қалалық,облыстсық байқауда жеңімпаз атанған №8 гимназия мектебінің оқушылары, бұл жолы да бақтарын сынауда.
Гүлнұр БАЯМБАЕВА жас құтқарушы
Жас құтқарушы сайысы өте қызықты өтіп жатыр, былтыр да жеңімпаз атанған болатынбыз. Бүгін тағы сол атақты сақтау үшін жарысқа келіп тұрмыз.
Сайыс соңында үздік шыққан жеңімпаздарға облыстық байқауға жолдама берілді. Айта кетейік, дәстүрге айналған бұл жоба келер жылы да жалғасын таппақ.
ГҮЛІМ МАРАТҚЫЗЫ,АСХАТ ЖАҚСЫЛЫЫҚ, ДУМАН ОРАЗОВ «ҰЛЫТАУ»ТЕЛЕАРНАСЫ
Пікірлер орны
Санаттар
Біздің ақпараттық бюллетеньге жазылыңыз!
Кездейсоқ
Сыбайлас жемқорлықтың алдын алу
Жырым сенсің, Ұлытау
"Мерейлі отбасы" байқауының
Тамақтан уланудың алдын алу
