Мұрагер екінші облыстық шығармашылық байқауының аудандық, қалалық кезеңдеріне 3997 жас қатысса,оның 1435 –і облыстық кезеңге жолдама алды. Ал 193 жас өнерпаз бүгінгі гала концертке қатысуға мүмкіндік алып отыр.
Ақжол ҚҰРМАНСЕЙІТ Ұлытау облысы әкімі аппараты басшысының орынбасары
Байқаудың аяқтаулымен баршаңызды құттықтаймын. Әр бағыт бойынша балалар шығармашылық қабілеттерін көрсетті. Ұлытау облысы білім болсын, шығармашылық болсын жетістіктерден кенде емес.
Жүзден жүйрік шығып іріктелген балалар аспапта орындау, вокал, хор өнері, театр өнері сынды 10номинация бойынша өнерлерін ортаға салды. Өзгелерден оқ бойы озып шыққан балаларға арнайы сыйлар табысталды.
Қарақат БАЙЗАҚОВА Ұлытау аудандық білім бөлімінің әдіскері
1 жыл бойы Мұрагер байқауына облыстық кезеңінде біздің ауданнан 3 номинация бойынша бас жүлде алдық.Өте қуаныштымыз. Бүгінгі марапаттау рәсіміне қатысып отырмыз. Ұйымдастырушыларға алғысымызды білдіреміз. Сонымен қатар біздің ауданда білімге,өнерге де құштар оқушылар өте көп. Әрі қарай шыңдау жолында жұмыстар атқара береміз.
Рауан Нұрғалиев Жаңаарқа ауданы тірек мектебінің музыка пәнінің мұғалімі
Өзім Жаңаарқа ауданынан келіп тұрмын хор номинациясы бойынша аудандық іріктеуден өтіп, одан кейін облыстық іріктеуден басжүлде алып, осы гала концертке жолдама алған болатынбыз. Қазақта жақсы сөз бар ғой “әнге әуес, күйге құмар бала- өмірге ғашық, жаны сұлу болып келеді”- демекші балаларымызды осылай өнерге жетелей берсек, олардан жаман бала шықпайды деп есептеймін. Жалпы, біз үшін бүгін мереке. Балалардың марапаттау сәті, өте қуаныштымын.
Арман Сәбит «Аспапта орындау» жанры бойынша жеңімпаз
Осы жеңісім үшін ата-анама және ұстаздарыма үлкен алғысымды білдіремін. Осы қасиетті домбыраны бастауыш сыныптан бастап үйреніп келе жатырмын және әрі қарай дамытуға үлес қосамын деген ойдамын.
Оқушыларды өнерге баулып жүрген жетекшілерге де сертификаттар тапсырылды. Дәстүрге айналған бұл байқау келер жылы да жалғасатын болады.
ГҮЛІМ МАРАТҚЫЗЫ,МЕЙІРЖАН МЕЙРАМҰЛЫ «ҰЛЫТАУ»ТЕЛЕАРНАСЫ
Пікірлер орны
Санаттар
Біздің ақпараттық бюллетеньге жазылыңыз!
Кездейсоқ
Сыбайлас жемқорлықтың алдын алу
Жырым сенсің, Ұлытау
"Мерейлі отбасы" байқауының
Тамақтан уланудың алдын алу
