Соңғы жаңалықтар:

Зираттарды цифрландыру басталды

Автор: ULYTAUTV
30-05-2024, 18:08
89

Бөлісу:

Адамзат қауымы жыл санап емес, ай санап, тіпті апта мен күн санап цифрландыру заманының сиқырлы әлеміне еніп барады.Енді цифрландыру арқылы әлемнің кез келген жерінде отырып, қайтыс болған туған-туысыңыздың қай зиратта жерленгенін біле аласыз. Бастысы марқұмның есімі мен әкесінің атын дұрыс жазсаңыз болғаны. Осылайша, елдегі барлық зираттар цифрландырылып, бірізділікке көшірілмек. «Qamqor-sharapat» салттық қызмет көрсету орталығы директорының айтуынша, жерлеу орындарын цифрландыру жұмысы алдымен еліміздің үлкен қалаларында басталған. Бұған дейін Астана және Шымкент қалаларындағы мұсылман қорымдарында жерленген адамдардың деректері сандық жүйеге енгізілген.Қазір тағы бірнеше өңірде жұмыстар жүріп жатыр. Енді бұл жұмыс біздің аймақта қолға алынбақ.

Мейрамбек Қабылбекұлы ҚМБД «QAMQOR-SHARAPAT» орталығының директоры

Ұлытау өңіріне келгендегі себебіміз цифрландыру болып тұр. Қазір бәрі цифрландыруға өтіп жатыр ғой. Цифрландырудың халыққа пайдасы, кезінде қайтыс болып кеткен ата бабаларымызды таппай жатқан кісілрге пайда, одан кейін кісі қайтыс болғанда не істеу керек,қандай құзырлы органдарға жүгіну керек деген сияқты, шариғаттың талаптары,заңның талаптары осы цифрландыруда халыққа қолжетімді болуы керек.

Бұл зираттарды цифрландыру жобасының бірінші мүмкіндігі болса, екіншісі дүниеден қайтқан адамдарды жерлеу бойынша көрсетілетін қызметтер ұсынылмақ. Яғни, барлық қызметтер «Jerleu» деген мобильді қосымша арқылы ұсынылады. Сондай-ақ мұның мемлекетке де пайдасы бар.

Мейрамбек Қабылбекұлы ҚМБД «QAMQOR-SHARAPAT» орталығының директоры

Ал оның мемлекетке пайдасы,ол жерді түгендеу, сол зиратта неше қабір бар, статистика жағын, осындай ел үшін жасалып жатқан дүние.

Мейрамбек Қабылбекұлы қазір зират көтеру бойынша ысырапшылдықтар көп орын алып жатыр дейді. Жаңа жүйенің мақсаты сол осыны бір тәртіпке келтіру.

ГҮЛІМ МАРАТҚЫЗЫ МЕЙІРЖАН МЕЙРАМҰЛЫ « ҰЛЫТАУ» ТЕЛЕАРНАСЫ