Жылу электр орталығы жобасы талқыланды

Жезқазғандағы жылу электр орталығы 1952 жылы салынған. 70 жылдан астам уақыт бойы үздіксіз қызмет етіп келе жатқан кәсіпорын жұмысы кейінгі кезде көп сынға ілігуде. Қала халқы санының артуы мен бой көтеріп жатқан құрылыс нысандары - облыс орталығында жылу және электр энергиясының тапшылығын сездіруде...

Кездесу барысында тараптар салынуы тиіс жаңа жылу электр орталығы жобасы жөнінде пікір алмасты. Жергілікті билік өкілдері өңірдің әлеуметтік-экономикалық даму көрсеткіштерінен ақпарат берді. Қытайлық компания басшылығы – алдағы бір ай уақыт келіссөздерге арналатындығын айтты. 

Қытайлық компаниямен арадағы келіссөз жемісін берсе, Жезқазғанда жаңа жылу электр орталығы жобасы кең көлемде қолға алынбақ. 

Мұқағали Сейтқазы, Мейіржан Мейрамұлы, «Ұлытау»