Әскери патриоттық І форум

Форумның басты мақсаты- жастарға патриоттық тәрбие беру, жас ұрпақты діни экстремизмнен қорғау, олардың салт-дәстүрімізге жат діни ағымдарға бой алдырмауына ұйытқы болу және өз елінің патриоты етіп тәрбиелеу.Форумды кіріспе сөз сөйлеп ашқан Ұлытау облысының қорғаныс істер департаментінің бастығы Ерен Мейрембеков жиынның маңыздылығына тоқталды. Қала әкімінің орынбасары Бақытжан Жайлаубаев форумға сәттілік тіледі. 

Бақытжан ЖАЙЛАУБАЕВ  Жезқазған қаласы әкімінің орынбасары 

Бүгінгі форум жастарымыздың  бойында өз еліне деген  мақтаныш сезімдерін оны қорғауға және дамытуға дайындығын қалыптастырады деген сенімдемін. Осы бағыттағы жүйелі және де мақсатты жұмыс арқылы ғана өз отанының болашағы үшін жауап беруге дайын ұрпақты тәрбиелеуге болады. Әскери-патриоттық тәрбие- ел ертеңінің тірегі.

Сонымен форум басталды. Онда облыстық ардагерлер кеңесінің төрағасы Сағындық Қожамсейітов «қазақ батырларының ерлігі мен ар-намысы» тақырыбында баяндама оқыды. Мінберге көтерліген аналар кеңесінің төрағасы Роза Сеилова, «аналар жүрегі»жайлы өз пікірін білдірді. Сондай-ақ Ұлытау облысының бас имамы Елдос Жұмаділдә деструктивті діни ағымдардан аулақ болуға шақырды жастарды. Ал, Ауған жерінде болған соғыс жайлы ауған ардагері Ақылбек Аманов сөз қоғады.  Ұлытау облысында алғаш өтіп жатқан форумды келешекте дәстүрге айналдыру жоспарда бар. 

Ербол  Өткелбаев Ұлытау облыстық қорғаныс істері жөніндегі департамент бастығының орынбасары 

жастарға, жасөспірімдерге бойларына әскери-патриоттық рухты көтеру, тәрбиелеу, бағыттау мақсатында жасалып жатыр. 

Жезқазған қаласы білім бөлімінің басшысы Жеңіс Әлмағанбетов «Қазақстандық патриотизмді оқушылар арасында дәріптеу» тақырыбында баяндама жасады. Және де шара барысында Қарағанды қаласының 65-05 ішкі істер министрлігінің Ұлттық Ұлан әскери бөліміне азаматтарды мерзімді әскери қызметке салтанатты шығарып салу іс-шарасы болды. Сондай-ақ,биылғы 10-шы Айбын халықаралық әскери патриоттық жастар жиыны Алматы қаласында өтеді. Оған Жезқазған қаласының «Ұлытау ұландары» атты әскери патриоттық клубынан 15 жас сарбаз қатысады. 

Айтжан ШЫҢҒЫСХАН жас сарбаз 

Біз областной отбордан жүгіруден өтіп, ол кезде тек жүгіруден өту керек болды. Біз жүгіруден Ілияс екеуміз чемпион мен финалист болдық. Біздің командада 15 бала- 5 қыз, 10 ұл. Жеңіспен ораламыз деген ойдамын. 

Форум соңында әскери борышын өтеуге бара жатқан сарбаздар мен халықарлық жарысқа жолдама алған жас сарбаздарға ақсақалдар бата беріп, ақ жол тіледі. 

ГҮЛІМ МАРАТҚЫЗЫ,БЕКЖАН МАРАТҰЛЫ «ҰЛЫТАУ»ТЕЛЕАРНАСЫ