Депутаттар аралауы

Халық қалаулылары алғаш барған нысан- Жезді кентінде су тасқыны кезінде апатты деп танылған 3 үйдің орнынан салынып жатқан үйлердің құрылысы. Қазіргі кезде құрылыс жұмыстары басталып та кетті. Әр үйдің аумағы 10 соттық жерді құрайды. Құрылысты  жүргізіп жатқан «Қазмысқұрылыс» ЖШС үйлерді пайдалануға беруді тамыз айы­на жоспарлап отыр.

Одан әрі депутаттар Жездідегі орталық ауруханаға аяладады.Нысан 2004 жылдан бері жөндеу жұмыстарын көрмеген. Қазіргі таңда аурухана ғимаратының кәріз жүйесі ,едені, қабырғасы, жылу беру жүйесі, есік-терезелері толығымен ауыстырылып, кабинеттер заманауи үлгіде жаңартылған. Ғимарат сыртында аббаттаныду жұмыстары жүргізілуде. Сондай-ақ кенттегі су тасқыны кезінде шайылып кеткен көпір өткелін де көрді. Облыстық мәслихат төрағасы көпірді жөндеуден өткізу мәселесін қарастырамыз деді. Кентте 160орынға арналған дене шынықтыру сауықтыру кешенінің құрылысы жүріп жатыр. Бұл нысаннын құрылысын да депутаттар бақылады. Кезінде құрылысы басталып, одан кейін тұралап қалған болатын. Бүгінде жұмыстар қайта жанданды. 

2 қабаттан тұратын дене шынықтыру сауықтыру кешенінің құрылысын «Қарағандыстройконструкция»ЖШС жүргізуде. Тапсыру мерзімі осы жыл. Яғни осы жылы Жезді халқы игілігін көретін болады кешеннің. 

ГҮЛІМ МАРАТҚЫЗЫ, СЕРГЕЙ МАЙКОВИЧ «ҰЛЫТАУ»ТЕЛЕАРНАСЫ