Медицина қызметкерлері арасындағы шағын футболдан турнир

Бұл – медицина мамандары арасындағы бәсеке. Футбол алаңына қаладағы түрлі емдеу мекемелерінен 6 команда жасақталып, ойын өткізді. 

Сабит АТАБАЕВ  облыстық көпсалалы ауруханасының кәсіподақ ұйымының төрағасы

Бұл шара өте маңызды. Неге десеңіздер алғаш рет облыста медицина қызметкерлері арасында футболдан жарыс өтіп жатыр. Болашақта осындай іс-шаралар көп өтеді деген сенімдеміз. 

Қос топқа бөлініп, өзара шеберлік байқасқан командалар арасындағы ойындар қызыққа толы болды. Ақ халатты абзал жандар тек медицина саласында ғана емес, спортта да өздерінің үздік екенін дәлелдеді. 

Бекзат БӨРІБЕКОВ  облыстық көпсалалы аурухананың балалар хирургі 

Және де мынау Ұлытау облысы болғаннан кейін, кәсіподақ Сенім жағдай жасап жарыс ұйымдастырып жатыр. Үлкен рақмет.  

Турнир қорытындысында бірінші орынды Жезқазаған медициналық орталығының командасы жеңіп алды. Екінші орынды облыстық көпсалалы аурухананың командасы иеленді. Үшінші орынға  Жезқазған қаласының отбасылық денсаулық орталықтары мен қалалық емхана командасы тұрақтады. Жеңімпаздарға кубоктар мен ақшалай, естелік сыйлықтар табысталды.

ГҮЛІМ МАРАТҚЫЗЫ,СЕРГЕЙ МАЙКОВИЧ «ҰЛЫТАУ»ТЕЛЕАРНАСЫ