Көкжөтел жұқтырғандардың дені вакцина салдырмаған

Мамандардың айтуынша, алғашында науқаста қарапайым суық тиюдің белгілері болады. Кейін жөтел дендеп, баланың дене қызуы көтеріледі. 

Жұмакүл МАҚАНОВА Облыстық көпсалалы ауруханасының инфекциялық бөлімшесінің меңгерушісі, инфекционист дәрігер 

Көкжөтел 4кезеңнен тұрады. 1-кезең.Жасырын кезеңі. Ол 1,5 -2аптаға дейін созылады.Катаральды кезең :Біртіндеп дамиды  . Қарапайым ЖРВИ-ді еске түсіреді. 

Көкжөтел асқынған жағдайда пневмония, мидың зақымдалуы мен тыныс алудың тоқтауына алып келуі мүмкін. Оның алдын алу жолы – уақытында екпе егу.

Елена ТКАЧЕНКО Ұлытау облысының санитариялық эпедемиологиялық бақылау департаменті басшысының орынбасары 

Ата-аналар балаларында екпенің бар-жоғына назар аударса деймін. Егер алмаған болса, тіркелген жері бойынша медициналық мекемеге барып екпе салдыртуы керек. Көкжөтелге қарсы екпені баланың 2, 3, 4, 18 айында жасалады, ал ревакцинациясы 6 жасында салынады.

Бұл дерт әсіресе, жаңа туған нәрестелер үшін өте қауіпті деп отыр мамандар. Бүгінгі таңда 4472 адам қайталама иммундаудан өткен. Сондай-ақ профилактикалық егулердің ұлттық күнтізбесіне сәйкес жоспарлы екпелерді қамту бойынша жұмыс күшейтілді.

ГҮЛІМ МАРАТҚЫЗЫ,МЕЙІРЖАН МЕЙРАМҰЛЫ «ҰЛЫТАУ»ТЕЛЕАРНАСЫ