Жезқазғанның тәртіп сақшылары марапатталды

Жезқазған қаласы полициясының тарихы әріден бастау алады. Осыдан 96 жыл бұрын, яғни 1928 жылдың 17 қаңтарында Қарсақбай кентінде милиция бөлімшесі құрылады.1954 жылы 20 желтоқсанда Жезқазған кентіне қала мәртебесі беріліп, осы уақыттан бастап Жезқазған қалалық милиция бөлімі қызметін бастайды.Өткен ғасырдың 20-шы жылдарының соңында тарихи жолын бастап, бүгінде Жезқазған қалалық полиция басқармасы атанып отырған мекеменің 96 жылдық тарихында небір білікті басшылар іс басында болып, қаншама дарынды қызметкерлер тәрбиеленіп шықты.

Алдияр АБИШЕВ Ұлытау облыстық ПД тәрбие және кадр жұмысы басқармасының бастығы 

Біз таңдаған мамандық-ең маңызды мамандықтардың бірі. Біздің басты міндетіміз ел қауіпсіздігін сақтау. Бұл жолда қызметті абыроймен атқарып және жұмысымызда жауапкершілікпен атқарып келе жатырмыз. Сіздерге қызметте тек батылдық,даналық жылулық, жақындарыңызбен бақытты сәттер тілеймін. Барлық бастамаларыңызға сәттілік. Жылдың кез-келген уақытында сіз бен біз Отанымызға қызмет үшін жұмыс істейміз. 

Кәсіби мерекелерінде тәртіп сақшылары «Қазақстан Республикасы Полиция қызметіне 30 жыл» төсбелгісімен, қала әкімінң құрмет грамотасымен, алғыс хаттарымен марапатталды.  Шарада қала әкімінің орынбасары Ербол Құсайынов қала әкімі тағайындаған арнайы номинацияларды тапсырды.

Ербол ҚҰСАЙЫНОВ Жезқазған қаласының әкімі 

Қазақстан полициясы күні құтты болсын.Сіздер барлық қиындықтарға қарамастан заңдылық пен тәртіптің сақталу жолында өз үлестеріңізді қосып келесіздер. Сіздердің кәсібиліктеріңіз,батылдықтарыңыз және адамдарды қорғау үшін бар күштеріңізді саласыздар.Сол үшін құрметке лайықсыздар. 

Кеште «Ел қорғаны» номинациясының  «кәсібінің үздігі» аталымын  Әлжан Атымтаев алды. Ол құқық қорғау саласында 15 жылдан астам қызмет етіп келеді. 

Әлжан АТЫМТАЕВ «Ел қорғаны» номинациясының иегері 

Полиция болуды бала кезімнен армандайтынмын. Негізі полицияның жұмысы оңай емес. Қоғамдық тәртіпті сақтап, халықтың игілігі үшін қызмет етіп келеміз. Еңбегімізді елеп номинация алып жатырмын. Барлықтарңызға алғысым шексіз. 

Сырттай қарағанда форма киіп жүретін қызмет болып көрінгенімен, бұл қызмет жауапкершілігі мол жұмыс. Ең басты міндет – адам өмірі, ел қауіпсіздігі. Ел үшін аянбай қызмет етуде полицейлердің еңбегі ерен. 

ГҮЛІМ МАРАТҚЫЗЫ, ДУМАН ОРАЗОВ «ҰЛЫТАУ»ТЕЛЕАРНАСЫ