ҚР Президентінің кеңесшісі - Жезқазғанда

Ұлттық құрылтайдың алғашқы отырысы – ұлт ұясы Ұлытаудан бастауын алып, оған Мемлекет басшысының өзі келген еді. Атырауда өткен кейінгі құрылтайда айтылған түйткілді мәселелер Жезқазғандағы жиында кеңінен тарқатылды. Мәлік Отарбаев – Мемлекет басшысы айтқан «Адал адам-Адал еңбек-Адал табыс» идеясына тоқталып, ұлытаулықтарға Президенттің сәлемін жеткізді.

Кездесуге жиналғандар Президент көтерген бірнеше мәселені ортаға салды. Жошы ұлысының 800 жылдығы да осы жиында тілге тиек етілді. 

Президент кеңесшісінің сапары - «Жошы хан» тарихи-мәдени кешені, Алашахан, Домбауыл кесенелері мен Ұлытау ауданындағы тарихи орындарында түйінделді. Бұған дейін республикамыздың 12 облысында өткен жиын әрі қарай қалған өңірлерде жалғасын таппақ.

Мұқағали Сейтқазы, Айдос Өмірбекұлы, «Ұлытау» телеарнасы