Қауіпті кеселмен күрес

Қазақстанда жатыр мойны обыры ең көп таралған аурулар тізімінде омырау рагынан кейінгі екінші орында тұр. Бұл – ресми статистика. Дүниежүзілік денсаулық сақтау ұйымының дерегінше, 95 пайыз жағдайда жатыр мойны обыры адам папиллома вирусынан болады. Елде адам папиллома вирусына қарсы вакцина салу науқаны қайта басталуда. 

Аталған вакцина қыз балаларға 11 жасқа толғаннан бастап егіледі. Әрине, тек ата-анасының рұқсатымен ғана. Салаға жауапты мамандардың айтуынша, алдымен ақпараттық-түсіндірме жұмыстары жүргізіледі.