Металлургтер мерекесі тойланды

Алма СӘЛІМЖАНҚЫЗЫ тілші 

Жезқазған мысты-қала. Мұндағы әр әулетте ең кемі бір металлург бар. Сондықтан да металлургтер күні-қала көлемінде барынша сән салтанатпен аталып өтіледі.

Жезқазған үшін Металлург күні- жәй ғана кәсіби мереке емес.Күні кеше атап өтілген мерекелік бағдарлама кез-келген аудиторияның қалауына сай етіп жасалды. Мерекелік концерттің ашылу салтанатында алғашқы құрылысшылар алаңына жиналған қала тұрғындары мен қонақтарына  жергілікті жас өнерпаздар өнер көрсетіп, әннен шашу шашылды. Сонымен қатар, Қазақ мемлекеттік циркі мен Ресейдің үздік әртістерінің қатысуымен халыққа ерекше шоу бағдарлама көрсетілді.

Темір СПАТАЙ Қазақ мемлекеттік цикр әртісі

Көңіл-күй өте керемет. Біз Алматы қаласының циркінен келдік. Жезқазған өте керемет күтіп жатыр бізді. Біз енді арнайы металлургия күніне келдік. Рақмет баршаларыңызға. Көңіл-күй өте керемет, мереке құтты болсын. Жезқазған алға!

Мая ҰЛЫҚПАНОВА  Қазақ мемлкеттік циркінің әуе гимнасты 

Қазір ғана қойылымнан шықтым. Өте керемет әсердемін. Өзіме ұнайды әрине осы әуеде қалықтап ұшып, халыққа өнер көрсету. Бүгінгі металлургтер күн құтты болсын. Шын жүрегіммен құттықтаймын. Отбасыларыңызға бақыт, денсаулық, заманымыз тыныш болсын. Барлық жақсылықтарды тілеймін. 

Талғат ҰНАЛБАЕВ Индира ТҰТҚАБЕКОВА қазақ мемлкетік циркі әртістері

Алматы орталық циркінен келдік. Жұбайым Индира мен Талғат. Жезқазғанға бірінші сапарымыз. Аллаға шүкір бәрі жақсы болды. Выступлениеміз де жақсы болды, халықтың қарсы алуы да жақсы. Мереке құтты болсын, әрдайым күліп-ойнап, еліміз-жұртымыз аман, тыныштылықта болсын.   Рақмет сіздерге!

«KAZAKHMYS-Смэлтингтің» Металлургтер күніне арналған іс-шарасы биыл ауқымын сәл өзгертті. Елімізде су тасқыны салдарынан болған төтенше жағдайларға байланысты биылғы жылы мереке ұйымдастырушылар тарапы  отбасылық  іс-шараларға баса назар аударған. Дегенмен, жыл сайын кең көлемде аталып өтілетін ауқымды мереке халықтың көңілінен бұл жолы да шыққанын аңғаруға болады. 

Іңкәр ЫБЫРАЕВА

Бүгінгі металлургтер күні құтты болсын. Металлургтерге арналған мерекелік кеш өте жақсы деңгейде өтуде. Барлық металлургтерді бүгінгі мерекесімен құттықтаймын. Еңбектеріңіз қажырлы болсын, әрдайым осындай биік-биік белестерден көріне беріңіздер. 

Гүлжанат ҚАЙРУЛЛАЕВНА 

 Концерт   өте сондай бір көңілді, күшті өтіп жатыр. Өзім қонаққа келгенмін. Бүгінгі металлургтер күнімен барлық қазақстандықтарды құттықтаймыз. Еліміз өркендей берсін. Барлықтарыңыздың дендеріңіз сау болып, еліміз тыныш болып, аман болып жүре берейік.

Айта келейік, мұндай ойын-сауық көрермендерге керемет атмосфера сыйлады. Ал, мереке соңы әсем отшашумен түйінделді. 

АЛМА СӘЛІМЖАНҚЫЗЫ, АЙДОС ӨМІРБЕКҰЛЫ «ҰЛЫТАУ » ТЕЛЕАРНАСЫ