Мерейлі отбасы - 2024

Отан – отбасынан басталады. Бұл орайда «Мерейлі отбасы» ұлттық байқауының ұлт үшін де, ұрпақ үшін де берері зор. Аталған байқаудың аудандық кезеңіне қатысуға 7 отбасы ұсыныс білдірген. Жеңімпаз бен жүлдегерлерді аудан әкімі Аманжол Мырзабеков пен аудандық мәслихаттың төрағасы  Ахат Құрмансейітов құттықтады.

Ұлттық конкурсдың Ұлытаудағы іріктеу кезеңінің қорытындысы бойынша Шеңберлік Болтаевтар, Сарысулық Рысбековте және Байқоңыр ауылынан бақ сынаған Молдабергеновтер отбасы жүлделі ІІІ орынды, Ұлытау ауылынан қатысқан Смағұловтар әулеті мен Шеңбер ауылының Омаровтар әулеті ІІ орынды иеленді.  Қоскөл ауылынан келген Сыздықовтар отбасы І орын, Мибұлақтың намысын қорғаған Қыдырпатшаевтар отбасы бас жүлдеге лайық деп танылды.

Айта кетейік, байқаудың аудандық кезеңінде  І орын және бас жүлдеге ие болған отбасылар облыстық додадаға жолдама алды. Ілкімді шара жергілікті өнерпаздар дайындаған концертпен мәреге жетті. 

Мұқағали Сейтқазы, Думан Оразов