Ұлытаулық спортшылардың биігі

Түбі түр Түркі халқына ортақ құндылықтар насихатталып, ежелгі спорт түрлері салтанат құрған додада - Ұлттық құрама сапында ел намысын Ұлытау облысынан 4 спортшы қорғаған. Оның екеуі, атап айтар болсақ Жаңаарқаның жампозы Айдос Ғалымов Түріктің ұлттық күресі Ашыртмалы аба гюрешинен күміс тұғырға көтерілсе, Ұлытау ауданының ұланы Асылмұрат Бірімжанов –Мас-рестлинг таяқ тартыстудан қолаға қол жеткізді.

Жеңімпаздардың ата-аналары да мәзмейрам. Балаларымыздың жетістігі – бәрімізге ортақ қуаныш дейді олар...

Ұлытаудың ғана емес, ұлттың абыройын аспандатып, намысын қорғаған чемпиондарымыздың жеңісті жолы – жас облыстың спорт саласындағы жаңа белесі деп бағалануда!

  Күміспен күптеліп, қоржынға қола салған жерлестерімізді – аймақ басшысы Берік Әбдіғалиұлы арнайы қабылдап, сый құрмет көрсетті. 

 Облыс әкімі – күміс медаль иеленген Айдос Ғалымовқа 700 мың теңгенің сертификатын, жеке бапкеріне 350 мың теңге, қола еншілеген Асылмұрат Бірімжановқа 500 мың теңгенің сертификатын, жеке бапкеріне 250 мың теңге көлемінде сыйақы табыс етті. Және барлығы Ұлытау облысының құрмет грамотасымен марапатталды.

Берік Әбдіғалиұлы спорт саласына жауапты мамандарға – ұлттық спортқа деген қолдауды күшейтіп,  Көк байрақты көкке көтеру жолында тер төгетін атлеттерді әрдәйім назарды ұстауды тапсырды.

         Мұқағали Сейтқазы, Сергей Майкович, «Ұлытау»