ТӘЛІМГЕРЛЕР ОҚУ КУРСЫНАН ӨТТІ

Ulytautv 04-июн, 12:05 0 ЖАҢАЛЫҚТАР / ҰЛЫТАУ ОБЛЫСЫ

Оқытуға «Қазақмыс» корпорациясының құрамындағы өндіріс орындары мен серіктес кәсіпорындардан 30-ға жуық тәлімгер қатысты.Олар жас мамандарға кәсіби тәжірибе мен білімді тиімді жеткізу жолдарын талқылады.

Маржан Жәуен Ұлытау облысы кәсіпкерлер палатасы директорының орынбасары

Бұл семинарда бізде Қазақмыс Корпорациясының тәлімгерлері және де САС Казақстанның тәлімгерлері қатысып өз білімдерін нығайтқан болатын. Осы өздерінің семинарлары келешекте жақсы тәжірибелерінде қолданып,жақсы нәтижелерге жетеді деп ойлаймын. Бұл негізгі тәлімгерлік мектебінің басты мақсаты-колледждегі студенттер кәсіпорында, тәжірибені жақсы өткізу.

Курс барысында қатысушылар оқу бағдарламасын жасау, студенттермен тиімді қарым-қатынас орнату,психологиялық қолдау көрсету сияқты өзекті тақырыптарды меңгерді. Сабақтарды Астана қаласынан арнайы шақырылған,мол тәжірибесі бар тәлімгер-мультипликатор Қарлығаш Оспанова жүргізді.

Қарлығаш ОСПАНОВА тәлімгер-мультипликатор

Дуальды оқытуда тәлімгердің рөлі ерекше. Өндірістегі мамандар педагог болмаса да, студентке бағыт беру үшін арнайы дайындықтан өтуі керек. Біз осы курста оқу процесін ұйымдастыру мен психологиялық қолдау туралы айттық. Қатысушылардың белсенділігі жоғары болды, бәрі шабытпен қайтты.

Ұлытау облысының кәсіпкерлер палатасы мұндай бастамаларды әрі қарай да жалғастырып,өңірдің кадрлық әлеуметін дамытуға ықпал етпек. Айта кету керек,алдағы уақытта Қазақмыс корпорациясының 200ге жуық маманы осы тәлімгерлік мектебі арқылы білімін жетілдіруді жоспарлап отыр.

АЙДАНА БАЗАРБАЙҚЫЗЫ, АЙДОС ӨМІРБЕКҰЛЫ

«ҰЛЫТАУ» ТЕЛЕАРНАСЫ