"ULYTAU GO" жазғы лагері

Жастарды біріктіруге және жан-жақты дамытуға бағытталған шара бағдарламасы шілде айының 29 мен 31-і  аралығына жоспарланған. Жастар лагеріне Жезқазған, Сатпаев, Қаражал қалалары мен Жаңаарқа, Ұлытау аудандарынан барлығы  50-ден астам ерікті және белсенді жастар қатысуда. «ULYTAU GO» жастар лагерінің алғашқы күні салтанатты түрде  ашылу рәсімі өтті...

Дархан МҰХАН қоғамдық даму басқармасының басшысы 

Осы семинардан сіздер барынша өздеріңізге қажетті дағдыларды қалыптастырып, қажетті дүниелерді үйреніп, ары қарай өздеріңіздің өмір жолдарыңызда, ертең еңбекке араласасыздар сол кезде соған пайдасы тиетін бір басқосу, соған бір пайдасы, септігі тиетін жиын болады деген сенімдеміз. Лагердің барлық қатысушыларына, осы лагердің жұмысына сәттілік тілейміз.

Сондай-ақ, үш күнге арналған жастар лагерінің арнайы бағдарламасы бойынша  алғашқы күні Ораторлық қабілетті арттырудың тиімді жолдары тақырыбында Астанадан кәсіби Медиатренер Сәнді Сұлтан арнайы келіп, тренинг ұйымдастыруда. Сондай-ақ zhakifilms негізін қалаушы Азамат Жақиянов «Мобилография ерекшелігі» тақыбында шеберлік сағатын өткізеді.

Сәнді СҰЛТАН медиатренер

 Өте қуаныштымын. Бүгін Ұлытау облысына келдім. Жезқазған қаласында ең белсенді, ең ақылды, ең әдемі жастармен кездесіп тұрмын. Өзімнің жеке мастеркласымды жүргізіп жатырмын. Бүгінгі балалар, жастар біздің Қазақстанның болашағы осы жастардың қолында ғой. Сондықтан өзімнің бар білгенімді жеткізгім келеді, пайдалы болғым келеді, сол үшін келдім.

Жасұлан ЖАХИН лагер қатысушы 

Алдағы уақытта бізде дәл осындай лагерлер болғанын қалаймыз. Ұйымдастырушыларға үлкен алғысымызды білдіреміз. Жан-жақтан тоғысқан балалар бір-бірімен танысып-білісіп, бір-бірлеріне деген өздерінің құрметтерін көрсетіп өте жоғары деңгейде біздің жазғы лагеріміз жалғасуда. 

Жазғы лагер ертең де жалғасын табады. Ал, қортынды үшінші күні қатысушылар «Жошы хан» тарихи-мәдени кешеніне экскурция жасайды. Лагерде әр өңірден келген делегаттар өздерінің қабілеттерін шыңдайды, білімдерін жетілдіреді.  

АЛМА СӘЛІМЖАНҚЫЗЫ, МЕЙІРЖАН МЕЙРАМҰЛЫ «ҰЛЫТАУ» ТЕЛЕАРНАСЫ