Өндіріс жастарының слеті қорытындыланды

«Қазақмыс» кәсіпорындары орналасқан барлық аймақтан  жиналған 100 ден астам еңбеккер жастың басын қосқан слеттің қортынды кеші  – «Гарден холл» мейрамханасында өтті. Мұнда жезқазғандық өнер ұжымдарының қатысуымен мерекелік концерт ұйымдастырылды. 

Қортынды кеште – озат және белсенді жастарға марапат жасалды. Атап айтар болсақ, «Даңқты жастар – өндіріс үміті», өндіріс қызметкерлері арасындағы «Үздік отбасы», кәсіпорын еріктілеріне арналған «Мейірімді жүрек», спортты серік еткендер үшін «Мықты рух» аталымдары өз иелерін тапты. Сонымен қатар, Қазақстанның Еңбек ері Тұрсынбек Макишев атындағы арнайы сыйақы да осы кеште табыс етілді. 

Қайсар Абеуов, «Үздік жас отбасы» аталымының иегері

Асем Кыанбекова, «Үздік жас отбасы» аталымының иегері

Еңбеккерлерден бөлек, «Жас қыран» аталымында олардың балаларына да марапат үлестірілді. Ұйымдастырушылар мұндай шараларды жиірек өткізіп тұратындықтарын айтты. Осылай еңбек майданындағы жастар ерекше серпінге ие болды.

Мұқағали Сейтқазы, Сергей Майкович, «Ұлытау» телеарнасы