Мәдениет және ұлттық салт - дәстүр күні

Мектеп ауласына тігілген ақшаңқаң киіз үйлер мен ұлттық киімде киінген қатысушылар Наурыз мерекесінің нақышын айғақтап тұрды. Айта кетейік, мұндағы мерекелік шара ұстаздар мен оқушылар және ата-аналар қауымымен бірлесе өткізілген. Басты мақсат: аталған үштік одақтың ілім мен тәрбие бағытындағы жұмыстарын әрі қарай жандандыру. Жиналғандарды Жезқазған қалалық білім бөлімінің басшысы Жеңіс Әлмағанбетов құттықтады.

Шара барысында білім ордасындағы «Сахна өнері», «Театрал» үйірмелері түрлі қойылымдар қойды. Қазақтың ұлттық ойындары ойнатылды. «Наурыз - ұлттық  мереке — ұрпаққа  өнеге!»   айдарымен ата-аналарды педагогикалық қолдау орталығының  «Даналық мектебінің» түрлі тақырып аянсыда тәрбие сағаттары ұйымдастырылды.

Мәдениет пен салт-дәстүрді насихаттаған тағылымды шара соңы мерекелік концертке ұласты. Жиналғандар бір-біріне Ұлыс оң болсын деп тілек айтысты...

Мұқағали Сейтқазы, Мейіржан Мейрамұлы, «Ұлытау» телеарнасы