Соңғы жаңалықтар:

Өнермен өрілген өмір

Автор: ULYTAUTV
12-03-2024, 14:44
96

Бөлісу:

Әбдірәсіл Рахим төрт жасынан домбыраға үйір болған. Кішкентай күнімізде біздің қонақүйдің төрінде кілемде домбыра ілініп тұратын. Өнеріміз саусағымыздан саулап тұрған жоқ. Алайда, сол домбыраны күніне бірнеше мәрте алып, келсін-келмесін сабалап-сабалап, орнына қайта іліп қоятынбыз дейді.

ӘБДІРӘСІЛ РАХИМ күйші

-мен 4ші сынып оқыған жылы марқұм болып кеткен ағам ол кезде 9 оқитын. Сол мектепте домбыра үйірмесі ашылып, жастар биі мен қосалқы биін үйреніпті. Сол үйге келіп. Үйреніп тартып отырғанда қолынан қарап мен де үйреніп алдым. Содан мектепте конкурс болды.ең жасы деп 1 орын беріпті. Содан қолымнан домбыра түспеді.

Бала күнінен ұлттық өнердің уызына жарып өскен ұл – келе-келе ұлттық аспаптың құлағында ойнайтын болады. Осылайша Жезқазған қаласындағы муызкалық колледжіне оқуға түсіп, домбыра мамандығы бойынша оқуды тәмамдайды. Қазыналы Қаражалға қоныс аударып мектепте директордың тәрбие ісі жөніндегі орынбасары болып қызмет атқарады. Кейін мұғалімнің оқуына Қарағандыға түседі. Қасиетті қара домбыраға қаршадайынан құмартып, қос шектің қоңыр үніне елтіп өскен жігіт ағасы мұғалімдік диплом алды деген аты болмаса өнерді аяқаясты ете алмаған. Содан кейіпкер сан түрлі аспаптың құлағында ойнауды үйренеді. Қазір Қаражалдың гимніне айналған Қаражалым әнін шығарады.

ӘБДІРӘСІЛ РАХИМ күйші

Бұл Қаражалым әні шыққанда, бірнәрсе түрткі болады ғой. 1994 жылы жайнап тұрған Қаражал болған. Сосын 1999 жылдан 2000жылға өтетін қыста мына жылу орталығы тоқтап,Қаражал жылусыз қалды. Сол жылы көпқабатты үйлердің бәрі босады. Жарық жоқ, қиын кезеңге тап болды.Содан бізді мына әрбір мекеменің басшыларын кезекке қояды. Бір күні кезекшілікке шықсам, қазір мынау біздің Тәуелсіздік деп аталады. Соның бойына жарық шамдар жағып қойыпты. Сол жарқырап тұр. Анау маған бір қалаға тіршілік біткендей сезіліп, содан өлең жарыққа шықты.

Кейіпкер Қаражал қаласындағы өнер мектебінде 2005жылдан бастап басшылық қызметте. Күй өнерінен дәріс беріп, шәкірт тәрбиелеуде. Ұлттық өнер балаға – ұлттық аспап арқылы берілетінін терең сезінген ұстаз - ұлттық өнерді ұлықтап, халықтың қазынасын насихаттауға біржола бас қойған. Ол еңбегін әріптестері мен шәкірттері де жоғары бағалап, құрмет тұтады.

Ұлан Дүкенбаев Ә.Рахимның шәкірті

- Бірніш орында басшы емес, ұстаз деп білемін ол кісіні.екінші әкем деп білемін. Өйткені жұмысқа енді тұрған бетте, бізді қалыптастарды, жол көрсетті. Ол кісіге алғысым шексіз, 18 жылдай сол кісімен жұмыс істеп келе жатырмыз. Сол кісінің жолымен жүрсек қателеспейміз.

Кейіпкердің арманы – бабадан қалған асыл өнерді ұрпаққа ұлықтап, жастардың бойына сіңіру. Сол үшінде өнер мектебінде әр-түрлі бағытта 300ге жуық баланы тәрбиелеу үстінде.

ГҮЛІМ МАРАТҚЫЗЫ,АЙДОС ӨМІРБЕКҰЛЫ «ҰЛЫТАУ»ТЕЛЕАРНАСЫ