Ақындар ауылында – ақындар айтысы

Ақсүйек өнердің сахнасындағы сан додада Ұлытаудың намысын абыроймен қорғай білген Мұқаш Сейтқазинов – Ұлытау ауданының құрметті азаматы. Ақынның туған ауылында өткен шара - №2 Қорғасын орта мектебінде бастауын алды. Мұнда - Дәридай ақынның өмір жолынан сыр шертер көрме ұйымдастырылып, әр жылдары жарық көрген жыр жинақтарының электронды нұсқасы жасалған... 

Әрі қарай іс шара қонақтары – Өлкетану музейін тамашалады. Музей жетекшісі – Шеңбердің тарихымен таныстырды.

Айта кетейік, Мұқаш Сейтқазиновтің негізі мамандығы – мұғалімдік. Ол - осы Қорғасын орта мектебінде ұзақ жылдар ұстаздық етіп, зейнетке шыққан.

Шежірелі Шеңберді – Ұлытау өңірінде ақындар ауылы деп атайды. Алғаш рет өткен айтысқа – ауданға қарасты әр мектептен 20 ға жуық ақын қатысты. Айтыс алдында аудандық Білім бөлімінің басшысы құттықтау сөз сөйлеп, Мұқаш ақын - үзеңгісімін қағысып, ауыздығымен алысып тұрған жас шайырларға бата берді.

Айтыс қатысушылары – оқушы болса да, ел мен жердің тарихына кеңінен тоқталып, Тәуелсіздік пен қазақ тілінің тұғырын жырға қосты. Астарлы әзілдер мен қағытпа қалжыңдар да айтылды...

Қазылар алқасының шешімімен финалға 5 жұп, 10 ақын жолдама алды. Айтыс арасындағы үзілісте ауыл кітапханасы дайындаған көрме көпшілік назарына ұсынылды. Ақтық сында – ақындар шаппа-шап сөз сайысына түсті.

Шара соңында ауыл әкімдігі мен мектеп басшылығы – Мұқаш Сейтқазиновтың иығына шапан жауап құрмет көрсетті. Ауылдың Мәдениет үйі атынан қатысушыларға бағалы сыйлықтар берілді. Дода қортындысы бойынша бас жүлде – Алғабас ауылының намысын қорғаған, екі айналымда да оза шапқан Гүлім Егеубайға бұйырды.

Жеңімпаздар мен жүлдегерлерге қаржылай сыйақы мен Мұқаш Сейтқазинвтің кітаптары табыс етілді. Айта кетейік, облыс орталығында құрылған «Ұлар» әдеби клубы да осы іс шараның басы қасынан табыла білді. Білім бөлімі қолға алған жоба – дәстүрлі түрде өткізіліп тұрмақ. 

      Мұқағали Сейтқазы, Думан Оразов, «Ұлытау» телеарнасы