БАБЫР БИ АТЫНДАҒЫ АУДАНДЫҚ ТУРНИР

Ұлытау тумасы, 30 жыл болыс болған Бабыр би атындағы тунирге Ұлытау, Қаракеңгір,Амангелді ,Қарсақбай, Жезді секілді кент ауылдардан барлығы 8 команда жасақталған. Алдымен,салтанатты жиын өтіп, командалар таныстырлды. Бабыр би ұрпақтары болыстың батырлығы, қайраткерлігі жайлы өскелең ұрпаққа мәлімет берді. Ауыл әкімі мен аудандық дене шынықтыру және спорт бөлімінің басшысы Марат Оразалин жарысқа сәттілік тіледі. 

Марат ОРАЗАЛИН Ұлытау аудандық дене шынықтыру және спорт бөлімінің басшысы 

Спорттық шараның басты мақсаты - салауатты өмір салтын насихаттап, жас волейболшылардың шеберлігін шыңдау. Себебі барлық жастағы ел азаматтары арасында бұқаралық спортты дамыту маңызды.Бұл туралы Президенттің Жолдауында да айтылған. Ал денсаулық кепілі – спорт. Көп ұзамай командалар жарысқа кірісті. Жүлде қоры 1млн.. 

Қанат БАЙСАЛБЕКОВ жарысты ұйымдастырушы

Жалпы, Ұлытау ауданында волейболға деген қызығушылық жоғары. Ала допты алақанында ойнататын жастар талай байрақты бәсекеде топ жарып жүр. Бабыр би атындағы турнир былтырдан бастап аудандық деңгейде өтіп келеді.Енді республикалық деңгейде өткізу жоспары бар.Жарыс қорытындысы бойынша Қарсақбай командасы 1 орынмен  2 жүз мың теңге иеленді. 2 орынды Амангелділктер алып, оларға 150мың теңге берілді.  3 орын мен 100мың теңге Ұлытау командасының қанжығасында. Барлық қатысқан командаларға қаржылай сыйлар табысталды. Сондай ақ Ұлытау аудандық дене шынықтыру және спорт бөлімі үздік ойын өрнегін көрсеткен ойыншыларға жекелей сыйлықтарды табыстады. 

ГҮЛІМ МАРАТҚЫЗЫ АСХАТ ЖАҚСЫЛЫҚ «ҰЛЫТАУ»ТЕЛЕАРНАСЫ