Жастардың құқықтық сауаттылығын арттыру

Кездесуге Ұлытау облысының,Жезқазған қаласының полиция қызметкерлері және қалалық прокуратура өкілдері қатысты. Ел болашағы бүгінгі жастар қолында екені белгілі. Ендігі кезекте қазіргі заң үстемдік еткен заманда жастардың құқықтық сауаттылығы да кезек күттірмейтін мәселелердің біріне айналып отырғаны анық.Сабақ барысында жол қозғалысы ережелерін бұзудың алдын алуға, зорлық-зомбылықпен күресуге және есірткіні қолданудың салдарына баса назар аударылды. Оқушылар полиция қызметкерлеріне көптеген сұрақ қойып, тақырыпқа қызығушылық танытып, талқылауда белсенділік танытты.

Ұлытау облысы ПД есірткі қылмысына қарсы іс-қимыл басқармасының бастығы 

• Жасөспірімдерге есірткінің зияны, басқа да қылмыстық жазалар туралы түсіндірме жұмыстарын жүргіздік.   

Бүгінгі жастар өз құқығын қаншалықты біледі? Құқықтық сауаттылық – мемлекеттің құқықтық негіздерімен, нормаларымен таныс болу. Яғни өз құқығын жеткілікті білген адам ғана кез келген тығырықтан қиындықсыз шыға алары анық.  Полиция қызметкерлері өткізген құқық сабақтарында оқушылар өздерінің қоғамдағы құқықтары мен міндеттері туралы білді. Олар азаматтық құқықтар мен бостандықтар, заң алдындағы жауапкершілік және әртүрлі жағдайларда қауіпсіздік ережелерін сақтау туралы ақпарат алды.

Назым ҒАЛЫМ №3ЖББМ оқушысы 

• Мен және біздің мектептің оқушылары өздерінің көкейдегі жүрген сұрақтарына жауап алды.Құқықтық сабақта есірткі қылмысы жайлы түсіндірді. 

Сондай-ақ мектеп ұжымы да бұл бағытта сынып сағаттары және арнайы сабақтар өткізілп тұратынын жеткізді. Иә, Әрбір жас азаматқа қоғамдағы қарым-қатынас заңдылықтарын терең ажырататын құқықтық сана мен мәдениет қажет. Ең алдымен бұл үшін отбасындағы бала тәрбиесін басты назарға алып, жіті қадағалау маңызды-ақ. 

ГҮЛІМ МАРАТҚЫЗЫ;ДУМАН ОРАЗОВ «ҰЛЫТАУ»ТЕЛЕАРНАСЫ