Диплом алу кеші

Жезқазған индустриалдық-гуманитарлық колледжі 20жылдан астам студенттерді білім нәрімен сусындатып келеді. Осы жылдар ішінде 8000-ға жуық түлек түлеп ұшып, қазіргі таңда еліміздің түкіпр-түкпірінде қызметте жүр. Биыл да колледжден 15 мамандық бойынша 364 студент дипломдарын қолдарына алды.  

Марал ТІЛЕУЖАНОВА Жезқазған индустриалдық-гуманитарлық колледжінің директоры 

Бүгін біз үшін өте маңызды күн. Бүгінгі күні балаларымыз мемлекеттік емтихандарды сәтті тапсырды. Дипломдық жобаларын қорғады. Шәкірттеріме, түлектеріме ақ жол тілеймін. Жақсы маман болсын. 

Қолына диплом алғынның бірі Ақмарал МҰРАТБЕКҚЫЗЫ. Ол аудармашы мамандығын аяқтап, болашақта алған білімімнің жемісін көремін дейді. Әрине білім берген  ұстаздардың да еңбегінің ерен екенін айтып, алғыс білдірді. Айта кету керек, колледжде ғылым кандидаттары, магистрлер  жұмыс істейді.

Ақмарал МҰРАТБЕКҚЫЗЫ Жезқазған индустриалдық гуманитарлық колледж түлегі

Мен бұл колледжге 2021 жылы мектепті аяқтап түскен болатынмын және түскеніме өкінбеймін. Осы колледж арқылы мен аудармашы мамандығын аяқтап қана қоймай, осы колледжден өзіме қаншама бір қасиеттерімді жинадым. Соның ішінде өзімді жақсы қырымнан да ашып үлгердім десем болады.  Осы тұрғыда колледж директоры Марал Кәрібаевнаға және өзімнің кураторым Маренда Александровнаға үлкен алғысымды айтамын. 

Кәміш Әбжәмилова ата-ана

Бүгін- мереке, балалар диплом алады. Мен жиенімді қолдап, оны осы колледжді бітіру кешімен құттықтауға келдім. Оның осы колледжді бітіргеніне бәріміз де қатты қуаныштымыз. Мен бұл колледждің көптеген жетістіктерін өз көзіммен көргенмін.

Түлектерге арналған диплом табыстау кеші өз деңгейінде өтті. Жезқазған индустриалдық гуманитарлық колледжі 15 мамандық және 24 біліктілік бойынша білім береді. Бүгінгі таңда білім ордасында 1100 студенент  білім алуда. 

АЛМА СӘЛІМЖАНҚЫЗЫ, СЕРГЕЙ МАЙКОВИЧ “ҰЛЫТАУ”  ТЕЛЕАРНАСЫ