Кеңгір көлінің жағасы тазартылды

Бұл жолғы акция алда келе жатқан Ұлттық домбыра күніне орайластырылды. Алдымен,тазалық шарасында домбыраны жанына серік еткен жастар табиғат аясында ән шырқап, күй шертті.

Партиялықтар өңірдегі ең ірі су қоймасының жағалауын тазалау жұмыстарын осыдан 1 ай бұрын қолға алған. Әр апта сайын кемінде 1 шақырым аумақты тазартады. 

ДАРЫН ТӨЛЕУБАЙ ‘’ЖАСЫЛ ЕЛ’’ ЕҢБЕК ЖАСАҒЫНЫҢ ЖЕТЕКШІСІ

Мұндай акцияның мақсаты қаламыздың экологиялық ахуалын жақсарту және қатарымыздағы балаларға еңбекке баулуды үйрету. Балаларға қаламызды жақсы көруді, таза ұстауды үйрету. Жауапкершілікке үйрету. Мұнымен тоқтап қалмайды. Жалғаса береді. Келесі айларда да көптеген акциялар өткіземіз

Жастар әндетіп-думантып жүріп-ақ демалыс орнын қоқыстан тазалап шықты. Қоршаған ортаны көркейтіп, таза ұстауға шақырды. 

Бекарыс Мұхамедрахым ‘’ЖАСЫЛ ЕЛ’’ ЕҢБЕК ЖАСАҒЫНЫҢ МҮШЕСІ 

Жасыл елге тұрғанымның себебі-экологияны жақсарту.ОСы акциялар арқылы қаламыз таза болады деген ойдамын. 

Өңірде таза бейсенбілік, сенбілік жұмыстары үздіксіз ұйымдастырылып тұрады. «Таза Қазақстан» экологиялық акциясы басталғалы табиғат жанашырларының қатары толыға түскен.

ГҮЛІМ МАРАТҚЫЗЫ, БЕКЖАН МАРАТҰЛЫ «ҰЛЫТАУ»ТЕЛЕАРНАСЫ