Мерекелік концерт

Мерекелік шарада өңіріміздің талантты жастары өнер көрсетіп,  ән-жырмен шашу шашты.  Жезқазған қаласы әкімінің орынбасары Бақытжан Жайлаубаев Конституция күніне арналған салтанатты жиынға қатысып, жерлестерін мерекемен құттықтады.

Бақытжан ЖАЙЛАУБАЕВ Жезқазған қаласы әкімінің орынбасары

Қадірменді жерлестер! Сіздерге зор денсаулық, отбасыларыңызға береке-бірлік тілейміз. Көк байрағымыз көгімізде желбірей берсін.   Ата Заңымыз күні құтты болсын

Сонымен қатар, салтанатты іс-шарада өңірдің дамуына үлес қосқан бірқатар азаматтарға марапат табысталды. Ұлытау облысының Құрмет грамотасымен Қаламқас Абдуалиева, Ажар Бахтаева, Сабыржан Кеделов пен Қоңыратбек Асанов марапатталды. 

Сабыржан КЕДЕЛОВ Жезқазған қалалық халықтар достығы мен мәдениет үйінің көркемдік жетекшісі 

Осы орайда Ұлытау облысының барлық жұртын ұлтымыздың асқақ, рухты айбынды мерекесі Ата Заң күнімен шын жүректен құттықтаймын. Еліміздің тәуелсіздігі баянды болсын, мереке құтты болсын. 

Ажар Бахтаева  «Қарақат» мектеп студиясының басшысы

Осы   Конституция күніне орай Ұлытау облысының әкімшілігіне рақметімді айтамын.  Осылай елеп, құрметтеп, марапаттап жатыр. Барлық Жезқазғандықтарды Конституция күнімен шын жүректен құттықтаймын. 

Мерекелік кеште Жезқазған қаласының бірқатар азаматтарына қала әкімдігінің құрмет грамотасы тапсырылды. Кешке келген қала тұрғындары мен қонақтары бұл күннің маңыздылығына тоқталып, мерекелік көңіл-күймен қала әкімдігі ұйымдастырған концертті тамашалады. 

Мадина   МУХИТОВА  қала тұрғыны 

Конституция күнімен құттықтаймын! Концерт өте тамаша, жақсы өтіп жатыр. Құтты болсын. 

Бұл күннің Қазақстан халқы үшін маңызы ерекше. Бірі - заң үстемдігін мақтан тұтса, енді бірі өз елінің патриоты ретінде осындай мерекені тойлауға асық.

АЛМА СӘЛІМЖАНҚЫЗЫ, АЙДОС   ӨМІРБЕКҰЛЫ

«ҰЛЫТАУ» ТЕЛЕАРНАСЫ