Жолдау – жарқын болашаққа бастайды

Сәния Ахмет – облыс орталығындағы №13 ЖББМ орыс сыныптарына қазақ тілі мен әдебиетінен сабақ береді. Сонымен қатар, «қазақ тілі» қоғамының белсенді мүшесі. Президенттің тіл саясатына қатысты айтқанына жас маман – қоғамдық істер арқылы қолдау білдіруде. 

Айта кетейік, биыл Жезқазғанда бірінші сыныпқа барған 1700 ге жуық баланың – 1300 ден астамы қазақ тілінде білім алуда. Мемлекет басшысы өз Жолдауында: «Білімді және бірнеше тілді меңгерген ұрпақ болашаққа сенімді қадам басады. Біздің күшіміз – жастардың білімінде!», - деді.

Сәнияның сыныбында білім алатын өзге ұлт өкілдері – қазақ тілінде сөйлеп қана қоймай, тақылдап тақпақ та айтады.

Жолдау жүктеген міндеттерді – әрбір қазақстандық жауапкершілікпен қабылдау қажет. Бұл – «қазақ тілі» қоғамының мүшесі Сәния Ахметтің ұстанымы.

Мұқағали Сейтқазы, Мейіржан Мейрамұлы, «Ұлытау» телеарнасы