АУТИЗММЕН АУЫРАТЫН БАЛАЛАРҒА КӨМЕК КӨРСЕТЕТІН ОРТАЛЫҚ ЖАҢАРТЫЛДЫ

Ulytautv 02-апр, 14:39 0 ЖАҢАЛЫҚТАР

Аутизм – баланың ми қызметінің бұзылуына байланысты адамдармен қарым-қатынас жасауына қиындық тудыратын ауру.Мұндай диагноз қойылған балаларға көмек көрсету мақсатында Ұлытау облыстық психикалық денсаулық орталығы жұмыс істейді. Орталық аутизммен қатар басқа да психикалық бұзылыстарға мамандандырылған көмек көрсететін негізгі мекеме болып табылады.Мұнда 110 төсек-орындық станционарлық бөлімше бар,оның 85- і психикалық бұзылыстары бар пациенттерге,ал 25-і балаларға арналған. Мамандар аутизм диагнозы қойылған балаларға кешенді қолдау көрсетіп,олардың әлеуметтік бейімделуіне жағдай жасайды.

Гүлбану БҰЛАНБАЕВА, Облыстық психикалық денсаулық орталығы балалар бөлімшесінің меңгерушісі

"Психиатриалық қызметтің дамуындағы маңызды оқиға ретінде 2024 жылдың желтоқсанында балалар бөлімін жөндеу жұмыстарының аяқталуын айтуға болады. Енді ол жаңа ғимаратта, тұрғындар үшін ыңғайлы орналасқан. Сонымен қатар,орталықтың жанынан, ерекше балалары бар аналардың тәулік бойы бірге болуына арналған жайлылығы жоғары ақылы 2 палата ашылды"

Қазіргі кезде орталықта 25 бала станционарлық ем алып жатыр. Емдеу курсы диагноздың ауырлығы мен баланың клиникалық жағдайына байланысты 30 күнге дейін жалғасады.Балалармен психиатр,педагог-психолог, логопед-дефектолог және емдік дене шынықтыру маманы жұмыс істейді.Психикалық денсаулық бөлімінің меңгерушісінің айтуынша,соңғы уақытта ата-аналардың орталыққа жүгінуі айтарлықтай артқан.Бұл жұртшылықтың аутизм туралы көбірек білетінін және ерте емдеудің маңызын түсіне бастағанын көрсетеді.

Гүлбану БҰЛАНБАЕВА, Облыстық психикалық денсаулық орталығы балалар бөлімшесінің меңгерушісі

«Терапия аясында когнитивті қабілеттерді дамытуға,мінез-құлық реакцияларын түзеуге,сөйлеу дағдыларын жақсартуға және әлеуметтік бейімделуге бағытталған жеке және топтық сабақтар өткізіледі.Ата-аналармен өзара әрекеттесуге баса назар аударылады: психиатр-дәрігер емдеу және оңалту ерекшеліктерін түсіндіре отырып,кеңес береді. Бұрын көптеген ата-аналар қоғамдық айыптаудан немесе диагнозды дұрыс түсінбеуден үрейленіп,көмек сұраудан қорқатын. Бүгінгі таңда жағдай өзгеруде:білім беру бағдарламалары,медицина мамандары мен мұғалімдердің қатысуы арқасында отбасылар бұзылулар ме түзету мүмкіндіктері туралы көбірек ақпарат алады.»

Ұлытау облысында психиатриялық көмек жүйесін одан әрі дамыту жоспарлануда. Емдеу орындары жаңартылып, жаңа әдістер енгізіледі, мамандар саны көбейеді және оңалту бағдарламалары кеңейеді.Бұл өзгерістер психикалық бұзылыстары бар балалар мен олардың отбасыларына көмек көрсетуді қолжетімді әрі тиімді етуді көздеп отыр.

АЙДАНА БАЗАРБАЙҚЫЗЫ, ҚҰРМЕТ ҚОЖАХМЕТОВ

«ҰЛЫТАУ» ТЕЛЕАРНАСЫ